Versículos más leídos de la Biblia Rromanodeniza 5

Compartir

Naraha Deo iaza uati cauanari canaui nauatoqquiri inaniuarrinepe uimasiri sseqquiri ineraha Cristopa itoui poua ccaccorarrari.

Arri itezerremacca uima bicani touini imadirrarope maizehe torra-rreranitoui. Deo Poua Corime iaza da inarraripa ibodiza pocca touati uanehe inananissa tarraro.

Naraha itezerremacca uima bicanizaha etizeni orrari-rrerani. Arri ocasserani erraroza naqui etizeniuarrine. Arrirraro uima nauatoto inani: Ocasserani errarope denima idacocorani naniuarrine, ocasserehe tonauanade iattaniuarrine. Idacocorani nezape Deopa: —Tirrinedeni bica tani −narrari. Nezape irrine Deoza bica tani nauatoto inezape itezerremacca uima bicani iaza torraniuarrine naqui ibodiza auato tarraroparri.

Ia Zozossede Zeso Cristo itoui zoqquerraricca uimaza parrissa inezape Deopa: —Tiadeniza uima nouerani −narrari. Narraroa arri Deo tezerre icarronerarraroparri. Cristoza parrissa inezape pouarrine Deo ia catize taui. Narraroa arri Deo Pouaza dameraqquiri inarraroparri. Niza Deo zamariuarripe pocca deni torrehe iaza torranitoui ineza ehetize narraro.

Iape irrine icassiuaueraniuarrine iparrire-rrerezape touati nauanaqquiri inapode. Naraha Deo uima inanarroraporrarocca uada bacco taza Cristo zoqquerraripa madirra uimasiri sseqquiri narraridenicca uimasiri manaconi zoqquerrari.

Icca uimasiri manaconi Cristo emene toccarrarorrinena Deo iaza: —Rridapanape ticcadeni uima ouaza tobicani −narrari. Niza pocca narrizouecca uada bacco tezape uima bicani denima icarrinitoui. Pocca narrizoue iaza ssonari-rreranitoui.

Madirra orraria Deoza ibo tazapa madirra bazimaza uimasiri torrarizarraro. Naraha madirra orraria Deoza ibora tazapa pouaza parrissa quenarraridenicca uimasiri Deorrine rricarizarraro. Pouadeniza Deo Attia: —Rridapanape ouaza bicaqquiri tiquenani −narrari.

Narraro uima bicania iaza orrari-rrerani. Deoza naqui uatizehe imeni icarrini. Ia Zozossede Zeso Cristorrinena Deo tezerre icarronerarraro.