Versículos más leídos de la Biblia Rromanodeniza 1

Compartir

Ouape Zeso Cristo tauimari icassiuaueraniuarrinecca ouacomeraniuarrinepe ocappina-rrerarraro. Ouape nauato onani: Zeso Cristo tauimaripa Deocca dacorehe madirra tocassiuauerauiuarrine, onarraro. Taidepe zodeodeniza, zotodepa zodeo querrena-rrararrarideniza naco Zeso Cristo tauimari dacorarraro. Bazima narraroza rrehe quenazapa tocassiuauerauiuarrine.

Arri Zeso Cristo tauimarizana Deo ia tonanabica-baqquiuiuarrinecca uima auato tarraro. Zeso Cristoza parrissa inezape poua tauimarirrine uimasiri inanarraro manaconipe rricani. Icca rrehenirri narraro orrarirrarope Zeso Cristo tauimari iaza torrarraro. Deo Atti dozo naniza arrima narraro: —Madirra bica tarrari Deoza parrissa narraripa narraro rrehenirrima madi-zanapouitoui −naui nade Deo.

Deopa inoccoza qqui inarraraui. Pocca uima naqui inoccoza qqui inerrereraha zama taide Deo inauatoponizama pocca dacorehe rriquerreranicca, pocca deni torrehe bazimaza auatorronarraro. Pocca nauatoue qqui inarizarrarope narraro uimaza ibodi uauatoma nezape Deocca uima iaza auato tarraro. Naraha madirra uimasiri toui quenarraridenipa: —Deo tauimari iaza auato terrerani −quequenanaraha pouama maizemanarrari.

Pouadenipa Deo Pouaza bodideni nauatoqquiri naraha Deoza: —Bica tinani, deni tirrani −quequenana-rrararrari. —Peperri. Tirrine iaza uima bica tani −quequenana-rraraza naco pouadeni bodipa uima ponimaccazara toquerrenarizarrari. Bodideni tossamorizazapa ziziniza toquerrenarrari.

Deocca uimape parrisseheccaraha Deocca uimaza uattarrorro tarrari. Maizehetouira dameraqquiri narrari. Deo inauatorizarrari corime inauatomanaza narrariza uauatizemana nazapa: —Ia cacauade −quequenanarrariparra. Pouadeni Nauatode Deozara uatizemanauiuarrine bica taraha nama quena-rrararrari. Pouaza: —Bica tinani, deni tirrani! −ihizanapo naniuarrine bica tani. Parrissa nema nana.

Madirra uimasiri totonanadedeni animanaui. Niza Deocca narrizoue oppinabote memeuarri ccaroneza pouadeniza ssonarinitoui. Narraridenipa poccadeni uaidireherrine parrissehecca uima tocauatterauiuarrine ssamoqquiri naui.

Naraha madirra pouadeni cacauade ouahaza dameraqquiri nazapa Deo inebobaqquiza poccadeni uananehe oppina taniccaza toquerrenarrari. Arri amonerre ponidenicca maqqui narrade nacasseraqquiri narrarope ponidenira uima oppina tanicca inanemanarraro. Maqquiderre naco poccadeni amonerre arrade nacasseraqquiri narraripa pouadeni tesse tezerre uima oppina tanicca inanemanarraro. Narraro uimaza dameraqquiri nazapa poccadeni uima oppina tarraro. Nama quenazapa pouadeni imeza comani ihinauanemana narraroparri, poccadeni uananehe manaconi. Deoza bodideni uatouiuarrine nacasseraqquiri naza Deo Attipa: —Paparraua. Pouadeni bodi pouadeni touini quenazapa nama naha madimana-zanapouiuarrine −narrari. Narraria madirra bazima uima bica terreranicca inanarizemanarraroparri.

Attidenipa: —Nauatorride orrirarraro −quequenanaraha ssamoqquiri naui. Madirrapa uatiaha taui. Naraha Deopa uatiehera tarrari. Pocca deni torrehe bazimaza auato teraha Pouaza rrehe quena-rrarazapa madirra uatiahaqquiri narrarideni corime inauatomanaza narrarizana: —Ia cacauade −quequenanarrari. Arra bani eppe carriui corime naco inauatomana, namiza rrarrauiriza narrari arra birri carri isso carri narrarideni corime inauatomana, pouadeni baccodeniza rrarrauiriza narrari corime naco inauatomana naza poccadeni nauatonarraza: —Ia cacauade −quequenanarrari.