Versículos más leídos de la Biblia Zouao 17

Compartir

Ticca parrissehezara tinanabaqquirro, onarraro, uimasiri rrirehe madimanauiuarrine. Tettipe parrissa ponira.

Narraro camittehe rriquerreranicca carrimanauiuarrinepa Tiaza noccodeni torrizerarrari. Tiana Deo orrari tarraro. Tiana ia Cacauade parrissehecca. Arri oua Zeso Cristo oua zosse taronarrarope ouaza naco noccodeni rrizeraqquiri naui. Madirra Tiaza, ouaza parrissa quenazapa camittehe rriquerreranicca carrimanauitoui.

—Ouape occa mamari tabaqqui bodideni acco ticanabaqquirro oneza Tiaza uati uati oneraha zotodedeniccatoui naqui Tiaza uati uati onarraro. Niza occa mamari tabaqqui otauimari eccorarize-manezape madirra ouaha zotodedenicca naco ouaza parrissa quenauitoui. Narrarideni naco orrariqquimanauissa tauiuarrine, Abi, pina oua Tia titezerre irrariqquirrarossa quenauiuarrine Tiaza uati onarraro. Pouadeni naco iaza orrariqquimanauissa tauiuarrine, onarraro. Naui arrirraro zamacca madirrapa ouaza: “Parrissa Deo zosse inaronarrari” quenauiuarrine.

Naraha tiaza: “Pouadeni tiaccamacossani-baqquirro” onerrerani. Uimasiri rrinede Tocorime-Taminecca maizeheza torraparimana-rrarauiuarrine oneza “Tecauabaqquirro” onarraro.

Arri occa deni torrehe ouaza da tarrarope pouadeniza naqui da onarizani. Naui pouadenipa orrariqquimanauissa tauiuarrine, pina ia irrariqquirrarossa quenauiuarrine, onarraro. Ouape pouadeniza, Tiape ouaza inarraro. Naui pouadenipa orrariqquimanauissa tauiuarrine. Nazapa arrirraro zamacca madirra nauatoqquiri nauiuarrine ticca zossenirri occarronarrarode. Arrirraro uima naqui nauatoqquiri nauiuarrine: Tiape parrissa quenarrarideniza teti uana tarraro. Pina ouaza teti uana tarrarossa narraro.