Versículos más leídos de la Biblia Carasiadeniza 1

Compartir

Ouatti nema onarrarope madirra ouaza: —Rrehe, Paoropa bica taui −quenauiuarrine touini onarraroqui? Nouerani! Deona ouaza: —Rrehe Paoro, tirrine bica tani −nauiuarrinena touini onarraro. Arrina, madirrara onauatizebaqquina onezape Zeso Cristocca zozosse orrarreranitouiraha.

Naraha icassiuaueraniuarrinecca uima tiadeni mari icanabaqquiporrarope parrissehecca. Marinarra narrarossa nerreranicca maride ccarronaza tiadeni mari tocanabaqquizapa timittemane-rrerana. Madirra ouaha uitide, oua nitide, Deocca zozosse memeuarricca ccaronarrari uitide icassiuaueraniuarrinecca uima onihi tiadeni mari tocanabaqquizapa narrari mamarideza Deocca narrizoue ssonarina, onarraro.

Arra icca Abi Deo, ia Zozossede Zeso Cristo pouadeni pamaha tiadeniza poccadeni biquehe, poccadeni touati uanehe inanemana-zanapona, inarraro. Poccadeni rronehe naqui tiadeniza torrazanapona, inarraro. Zeso Cristopa icca uimasiri manaconi zoqqueuiuarrine poua ccaccorarrari. Nama narraripa arrirraro zamacca uima uaidira taniccaza iquerrenazanapo-rreraniuarrine. Icca Abi Deo ia todinibaqquiuiuarrine touini napoza: —Occa erredeni Zesopa madirracca uimasiri manaconi zoqqueuitoui −napode.