Versículos más leídos de la Biblia Epesodeniza 6

Compartir

Uimasiri deni torrarreraniuarrinepe rrazire inanarrarossa narraro. Naraha icauadireniuarrinepe madirra assire carrimana, tone carrimana narrarideni tezerre rrerani. Pouadeni assire cappiremanarrari qqui inabaqqui- rrararrarideni tezerrena icauadirerraro. Narraridenipa uaidirehe rrinede Tocorime-Taminecca zozosse tabaqqui memeuarri rrauirizarrari. Memeuarri madimanaraha arrirraro namiza dacorehe carrimanarrari. Pouadenipa ziziniza madimanarrarideni ihicazosse-baqquimana narrari, uaidirehe inanemananiuarrine.

Uarrirriraza Deoza uati uati titiquena narri. Pouaza uatide tinebomana terrerarri. Deo Corime tibodideni acco tocanabaqquiuitoui. Tetideni uatoza tinoccodeni panehe timadimanarri. Pina isso teppeppe pocca uauadidedeni noppinedeni nocco panarrarissa tiquenana. Tiadeniza uima bica teza, ocassera teza naqui Deoza uatide dameraqquiri tiquenarri. Deoza toquerrenarrarideni bazimatoui Deoza uati uati titiquena narri.

Pina isso teppeppessa tiquenarri. Isso teppeppepa biqueraui noppine poua cacauauiuarrine rrazirecca oro tozimarrari. Tiadeni tecauemananiuarrinepe Deocca dacorehe ticarrimanarri. Nema tiquenezape Tocorime-Taminecca maizeheza tiedimemana-rreranitoui. Dacoraqquiri tiqueneza tidomodeni uanitoui.

Nazama Tocorime-Taminecca zozosse tabaqquiza rrazire tinanemananiuarrinepe Deocca dacorehe nemanehe ticarrimanana. Nazana uaidirehe auatoza tiedimemana-rreranitoui. Uimasiri tazarrani ticauadirezape dacoco tirrireza tidomodeni uanitoui.

Uimasiri tazarrani ticauadireniuarrinepe ticcadeni rrehenirri dacorarraro pina isso teppeppecca razirecca etero narraro. (Isso teppeppepa bobaza biqueraui noppine ssapa, ccara tarrari poua tezerrema da inarrari). Tiadeni naqui rrehe tiquenanissa tezape uaidirehe rrinedecca boba rrororone carriuiccaza tibiqueremana-rreranitoui. Pocca maizehe iaza ssonarirrarope pina ia ssite narrarissa narrari. Zeso tauimari icassiuaueraniuarrinecca ia touacauabaqquirrarope pina isso teppeppe poua tati cacauauiuarrine ccara tarrari ettarirrarissa narraro. Uaidirehe tazarrani ticauadireniuarrine naqui Deo Poua Corime Bicabote tibodideniza Poua Atti inanarraro. Narrarope pina rrazirecca massito cauidireqquimarrarossa narraro.

Nazama tiadenipe dacoraqquiri tiquenarri. Pina isso teppeppessa tiquenarri. Isso teppeppepa etero rrazireuarrinecca oro tozimarrari. Naraha tiadenipe Deocca parrissehe, pocca biquehe oro tizimemanarri. Narraro uima pamehe ticarrimanezape uimasiri tazarrani ticauadireza tidomo uanissa tanitoui. Zesorrine Deo tezerre icarronerarrarocca uima bicani maride dameraqquiri tiquenarri. Narraro uima tecomerarizemananiuarrine tinarroremanehe timadimanarri.

Ouimecotedeni, rridapanape occa marinarra rricanicca tiadeniza dozo onarraro. Ia Zozossede Deopa dacorarrari. Pocca dacorehepe deni torranicca. Narraro pocca dacorehema dacoco tirrirarri.

Deo Atti dozo naniza arrima narraro: —Ticcadeni abi, amideniza tetideni uanaqquiri narri −naui nade Deo Atti. Narraro zossenirripe Deo pocca zossenirri 10 nehe Moizeza da inarraroza anirraro. Narraro zossenirri orrarie da inezape uima bicani tazarrani uati taporrari. Nezape narraro zossenirri ecauezape uima bicani iaza torranitoui. Narraroa arri Poua Atti: —Tiadeni onamadibaqquinissa zanaponiuarrine. Arrirraro namiza timadimanezape rradaui tiquerrenanissa tanitoui −naui nade Deo Atti.

Erredenideni, tiadenipe ia Zozossede Deo touini nauiccara tinanemanani bica taniuarrinepe ticcadeni abi, ami attideniza iboraqquiri tiquenarri. Narrarona uima parrirenissa tarraro.