Versículos más leídos de la Biblia रोमि 10

आनॆ होइढा याॽमिचिमि लुम्‍पि येसुन पारभु यो कामानुङ् याऎ इकुना हाङ् निवाँहाङ्ऎ खो सिखॆम्‍पाबाङ् हिङ्‌पॽमिडु कामानुङ् टाङ्‌पाम निवाँऎ निवाँयुङ् लॆकुना हाङ्‌ग, आना हिङ्‌चाक्‍ना।

मान्‍ठाभनॆ हानाम् एक्‍क याॽमिऎ टाङ्‌पामि निवाँबि निवाँयुङ् लॆकु, खो निवाँहाङ्‌मि ङारिङ्‌पि निवाँनेन् याॽमि लि। हाङ् हानाम् खोसॆ खोमि याबाङ् येसु काङामि पारभु लोकु आक्‍क हिङ्‌चा।

मसॆ निवाँयुङ् चाइ खेम्‍मिम्‍पा खानावाँबाङ् टा हाङ् खिरिस्‍टमि बारेबि खेम्‍मिखुबा याॽमि चु हाङ्‌टेःॽन याॽमिचिऎ खेम्‍टकुचि।

निवाँनेन साब्‍चिराऎ लोकु, “खो सक्‍पि निवाँयुङ् लॆखुबा आसास ङेसिखॆॽमिनि।” याहुडि नुङ् हॆॽनिबारेक्‍चिम् लुम्‍पि फाग्‍मॆ खानावाँ माङ्‌स माआ। एक्‍क पारभु चोब्‍नमि पारभु यो हाङ् खोमि निङ् लाखुबाचि चोब्‍न खोसॆ खेःॽल आसिका पिकुचि। मान्‍ठाभनॆ निवाँनेन् साब्‍चिराबि गरहाङ् साब्‍डा, “आसॆ चाइ निवाँहाङ्‌मि निङ् इढाङ्‌कु आक्‍क हिङ्‌चा।”

हाङ् आसास मान्‍पाहाङ् हाङ्‌ग, आसॆरो खेम्‍मिऎ? निवाँनेन साब्‍चिराऎ इकु, “नुऎ खानावाँ खेम्‍मिखुबाचि टामाग एट्‌टान नुऎ खानावाँ यो।”

टर याॽमिचिऎ खोबि निवाँयुङ्‌न मान्‍लॆपा मान्‍टक्‍रो खोम् निङ् लाकुचॆ? हाङ् खोमि बारेबि माखेम्‍टिटुचि हाङ्‌ग मान्‍टक्‍ल निवाँयुङ् लॆकुचॆ? हाङ् आसॆस खोचि मान्‍खेम्‍मिटा हाङ्‌ग मान्‍टक्‍ल खोचिऎ खेम्‍हिकुचॆ?

मान्‍ठाभनॆ यायेॽमाऎ लोमा यगुकुवॆ चोब्‍न खानावाँ खिरिस्‍टऎ यॆरु। मसॆ आसॆ चाइ खिरिस्‍टबि निवाँयुङ् लॆकु खो निवाँहाङ्‌मि ङारिङ्‌पि निवाँनेन् याॽमि लिक्।