Versículos más leídos de la Biblia Luku 6

Compartir

Mo avonge temanusi noxi'a tamene­xinge mo so ngingi kalumo ngaxalisou avonge temanu ane. Ngalosi'a tamenexinge, ia ane so ngaxalisou la la'oluxusi mo upeipeisingesi ane. Lasixeli axova so ngalosi'a la lasixeli so lakolisou ulivu noxinge ili'i ne a iou vilesisi.”

Itema ane laixe la oponu ututuluou mimi lailaixe ane uxolu no oponu, laso maixene uxalixu nene'axu laixe. Xe ane itema masua la oponu ututuluou mimi masumasua, laso maixene uxalixu nene'axu masua to ne. Mi ma'ia uuana'ananixu itema oponu la ula no anaxusi ane.”

Ia ngingi nga'oxo aloxo 'o. Ngasexelaxa'a taulua­mengi mo nga'oxonu alauna noxi'asi. Mo loxo tamitema ixalixu tina'u noxinge la mi vile uasi, ngalosi'a mi ma'ia imasaxau io opongengi ututuluou lakolisou uasi. Xo ngingi ngaxalisou lakolisou lailaixe ili'i ane. Mo ngaxolu Anu U'uli'uli ta'olu xo anu ilixo noxou alaunasi noxi'a tamitema tamasua ane ivikala laixe so su'uli noxou uasi.

Xe opongengi mamalaxu noxi'a tamenexinge a loxo Maminge oponu mamalaxu noxi'a tamitema mukalusi.

Ioxe, Iesua musolonu aloxo 'ola, “Ngingi ngatilovosi'a tamene­xinge so ngato'oto'ome'axu susu noxi'a uasi, xo loxo 'o io tilovo no anu susu noxinge uto'omenge u'isalili axone. Xe loxo evile ususunixinge la opongengi uiasou susu noxou xo susu noxinge so uiasi axone kalumo.

Mo musolonu aloxo 'ola, “Noxi­nge ta'ei so ngalomuxu vaikalaxeli la apelototo aloxo 'o. Ngingi ngasexelaxa'a tauluamengi mo nga'oxonu alauna noxi'a ta'ei imatapiangengi. Mo loxo se'i masi opone'i utatamasou mamulo­singe ia ngingi la ngalingau mimi laixe so xoluxoluxa'asi. Xe ane'i ane i'oxongengi masua la ngapili­xine'i noxou Mosinge so u'oxone'i laixesi.

No anu vote'i axova namasaxau lexe tamitema i'oxo­neni la na'oxone'i axonesi.

Loxo itema usavaline xalevile la naxiu so usavaline xale­vi­lela. Loxo itema vile u'umenu saketimeni la napilixinu lasioti­meni noxou so uno'u kalumo. Xe loxo tamitema ilingau mimimeni la mi vile uasi, nalo­si'asi. Mo loxo evile ulaixu mi vile noxine la nakaitolonu mamu so ulivunoxu.

Iesua muvikala aloxo 'ola, “Ovu laixe uxalixu nene'axu masua uasisi. Xe axone kalumo no anu ovu masua, umomomo so uxalixu nene'axu laixe to uasi.

Vote'i so tatilovosou ovu lexe anu laixe o masua a no anu nene'axusi. Xo tamitema ilai itaxusou viki ngiaxu no anu lamota ana'anaxu uasi. Xe i'elesou uaini ngiaxu no anu ovu kitukitu ane uleleme vitanisi.