Versículos más leídos de la Biblia मत्ती 28

Compartir

ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर, ङाहगी ख्‍याया़ला तेरक्‍योगी काया़ थाम्‍ज्‍यीराङ ची़ज्‍येला खुङया़ला लोप्‍तोङ। ओहले त़ेदोङ, ङाह नाहम माॱनाङ, जाम्‍बुलीङकी ज्‍युक्‍स्‍योलगी ती़हजी थुराङ ख्‍याया़ ङ्याम्‍बु ओहङज्‍ये येह” म़ेदी येशूगी सुङ नाङसीन।

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

यिहॱनाङ स्‍यिहङगामगी स्‍याहप्‍च्‍यीगी ओ़ह पी़हमी-पेहजाया़ला सुङ नाङसीन, “ख्‍याया़ मा़हन्‍ज्‍यी, क्‍याहङस्‍यीङला सेक्‍योगी येशूला ख्‍याया़ छोल ओहङग्‍यो यिहन म़ेदी ङाहला क्‍यी़ह येहबा। यिहॱनाङ त़ेदोङ, येशूनी देला ज़्‍य़ू नाङदी म़ेह। येशू राहङगी सुङ नाङग्‍यो ल़ेहमुराङ मिहरोनी टोहङलेगी सोम्‍बो ज़्‍याङ नाङदी येह। ओहङदी चो़वोकी कुबुर तो़ह ज़्‍या़क्‍योगी ग्‍या़ला ता स्‍यो।

येशूगी खुङला दि ल़ेहमु सुङ नाङसीन, “ख्‍याया़ मा़हन्‍ज्‍यी, ख्‍याया़ काहल्‍दी ङाहगी नो़हया़ला गालीलला सोङ म़ेदी म़े तेर। ओ़ह ग्‍या़लाराङ खुङगी ङाहला थू़ज्‍ये येह।”

ओहले पूजाहारी छ्यिम्‍बुया़गी लेहमेन यहूदीया़गी एल्‍डरया़ ङ्याम्‍बु डी़दी “ता़ह च्‍यि पेहकें?” म़ेदी टे़ह क्‍याहप्‍सीन ओहले खुङया़गी माक्‍मीया़ला माहङबु टाङगा तेर्ती मासीन, “ख्‍याया़गी ‘नुहङमु ङ्यिह ङ्यि लो़हक्‍यो ती़हजीला येशूगी स्‍याहप्‍च्‍यीया़ ओहङदी येशूगी कुबुर कुमेन क्‍याहप्‍ती ख्‍येर्सीन दु’ म़ेदोङ लो म़ेदी मासीन। ओहले का़हलेॱआङ दि तामया़ स्‍युहङ-पेन छ्यिम्‍बुगी क्‍यी़ह ज्‍योर्सीन मानाॱआङ ङ्यिह स्‍युहङ-पेन ङ्याम्‍बु ताम म़ेदी ख्‍याला चोक्‍पा डो मी़हच्‍युएँ” म़ेदी मासीन। ओ़ह फुक्‍पा सुङगे मिहया़गी टाङगा लेहन्‍दी पूजाहारी छ्यिम्‍बुया़गी लोप्‍क्‍यो ल़ेहमुराङ मासीन। दि तामदी यहूदीया़गी पाहरक्‍यीला नाहरे थुॱआङ फेल्‍दीॱराङ येहबा।