Versículos más leídos de la Biblia ดอ โฆว 3

Compartir

ปัน ตี อีบึณ บอ ยอด, อัน มืร ยึร เบล ตี แฮะ ชีด, แฮะ หมึอม โฮม บอ แตห อัน กอ นับ โตต ดอน โมยว. อัน มืร ดึห โฮม เบล ตี. อัน แฮะ ฮอต โฮม, อัน วี ดัว บอ อีมาย อัน โฮม.

แคะ มึห เฆ โดว ซัดดาวา แปะ แฮะ โบง เฌาพรา, อึณ มืร มึห มาฮัณ, อัน หล็อก หลึอม โดว เฮา ดอน โมยว. มาฮัณ ตี วี ตัห โดง กอย อีบึณ, กาลาง โฆรห ดี อีบึณ. อัน ดีหมอด ต็อห, “แฮะ หมาน, เฌาพรา ตู แตห บาย โฮม เบล เฮ ดอน โมยว แคง กาปึม นี?”

โอว ดี แตห แม ฮัณ แบน รันซู อีบึณ, แตห บาย ลาย ฌ็อง เซเซ. ฆอน อาโมยว แม บอ ฆอน อาโมยว อีบึณ ตึอน, ฆาย ดี ลาย กาโฆห. ฆอน อีบึณ ตึอน ดี กาตีห ฆีณ แม. แม ยี ดี โฌะ คาหนูต อัน.”

แฮะ ฮอต, อัน เฌา วี กาลาง ดี อีบึณ ตึอน ต็อห, “โอว ดี แตห แม คัม ดูก ดอ แด แม บาดีก ซันเท. ปัน ดี ฆอน แม, แม ดี คัม เซา กาเซา. ปี บอ แฮะ ปาย ตี แม แนะ อี ซี ปึอน อีมาย. อัน ดี อึบ แม.”

แม โลว รัณ ฆาน, แตห อึณ กอ โตต อาซาก แม. แฮะ ฮอต, แม ดี วี แบน กาดาย ปี ดึอม ตา โอว ดอ โบง เบลห โอว ดี แม. ดอ โฆว อัน, โดว แม แฮะ มูห กาดาย. โคว, แม ดี วี แบน กาดาย ปี บรีม.”

แฮะ ฮอต, เฌาพรา วี กาลาง โฆรห ดี อีมาย ตึอน อี จืร อาดาม. อัน ต็อห, “แม แฮะ ฮอต โทม โฆรห อีบึณ แม. แม มืร แฮะ ฮอต โฮม เบล เฮ ปี ตู แตห โอว บาย โฮม. โคว อัน ตี, โอว วี ดืง กาดาย ปี โลว รัณ แม. โกบ แฮะ โบง แม หมาบ ตี, แม ดี โลว คัม ดูก บอ กาดูห ดี โบง มาน กืน ฌัม โตต อาซาก แม. แม โลว รัณ ฆาน กาเซา, แม กอ ดี มึห ปี ดี โฮม.

เฌาพรา วี ดีหมอด ต็อห, “อาเซ แฮะ ต็อห, แม แฮะ ฆลัะ? แม แฮะ โฮม เบล ปี ต็อห โอว, แกวะ โฮม?”

เฌาพรา แฮะ ฮอต โฮว เลห ฆาย แคง กาปึม ตึอน, อัน จัร เฆ อามู อามาด เฌาพรา อี จืร เครูบ, แตห เฆ กอย นา เลห ซีแง. เฌาพรา บอ เบลห บอ มาปัวะ ลาง อัน ดี ตี. มาปัวะ ลาง ตี อึณ ปี เงา. อึณ ปี บอ ปลัะ อึณเปลต. ปาย ตี เฌาพรา แตห เฆ บัร เฮ อี ดัว อาซาก, แกวะ แตห อี ปึอน ดี ฮาว โดง กอย เฮ ตี.

อาดาม ตึอน ดาง อีบึณ อัน จืร นาง เอวา. นาง เอวา ตึอน แบน มา ดัง ดูอี อี กอย แดง กาดาย. จืร อัน เลห ซีเพา ปาย ตี.