Versículos más leídos de la Biblia ดอ โฆว 17

Compartir

อาบราม ตึอน, ดอ แฮะ โนะ อาซาก อัน ดีม ฆึร ดี ดีม ซีนัม, อู ซีแง เฌาพรา วี กาปลูห ดี อัน ต็อห, “โอว มูห เฌาพรา, โอว จืร เฌาพรา อี อึบ โตต ดอน โมยว. แคะ ปี โบง แม, แตห อึณ โดบ ปี อึง โอว, แกวะ แตห อี เฮา ปึอน ดี กาลาง นา ตู หมึอม ลอง แม.

คา อาต เฆ แฮะ แตห แม จืร อาบราม. โอว ยี แตห แม วี จืร อาบราฮัม. ลอง ดาง อัน ตี, อึณ มูห, ‘แม มูห ฆูณ ดัง อาโมยว ดูอี กืน.’

กาดีก ซัดฌา ปี ดัว โอว ดี แม, โอว ตู บยอง ดอ เหมา. อึณ หมาน อาคาคัร อาดา ดอน ฌาด ดอน บาน. กาดีก ซัดฌา ตี, อึณ ดี หมาน อาคาคัร อาดา แม บอ อาดา เฆ หลูกหลาน แม ดอน โจว. ปาย ตี โอว แฮะ มูห เฌาพรา ปี กรึบ แม. โอว ดี บอ มูห เฌาพรา ปี กรึบ เฆ หลูกหลาน แม.

“อึณ มูห โอว อี กาลาง ดี แม. แตห แม นับ, โอว แฮะ ฮอต ดัว กาดีก ซัดฌา ดี แม. แม ดี แบน ฆูณ ดัง เฆ อาโมยว ดูอี กืน.

เฌาพรา วี ต็อห, “อาว มูห ปาย ตี. อีบึณ แม, อี จืร นาง ซารา, อัน ดี มึห ฆอน. แม โลว แตห ฆอน ตี จืร อาแซก. กาดีก ซัดฌา ปี ดัว โอว ดี แม, โอว ดี บอ ดัว ดี อัน, แตห อึณ หมาน อาดา ดอน โจว ฮาว นา อาต.

มืง โดง กอย แม ดอ ตี นี, มืง ปี แบน แม แคต ดอ ตี นี, โอว ดี ดัว ดี แม บอ ดี หลูกหลาน แม. อึณ ดี แบน มืง เฆ กอ ฌัม ดอน ฌาด ดอน บาน. โอว ดี บอ แบน เฌาพรา ปี กรึบ เฆ.”

เฌาพรา แฮะ ฮอต กาลาง ปาย ตี อาบราฮัม วี ครึบเครา บอ กาณัห. อัน ต็อห แคง น็อห อัน. “อาซาก โอว แฮะ โนะ อู มาย็อห ซีนัม. โอว ดี บอ มึห ฆอน? บอ นาง ซารา, อาซาก อัน แฮะ โนะ ดีม ฆึร ซีนัม. เหมา อัน ดี บอ ปึอน ดี ฆึอด ฆอน อางัะ?”

ปัน ตี เฌาพรา วี กาลาง โฆรห ดี อาบราฮัม ต็อห, “อู โป็ง อาตึร นี, อีบึณ แม อี จืร นาง ซาราย ตึอน, แกวะ ฮู แตห อัน จืร นาง ซาราย. แม โลว แตห อัน จืร นาง ซารา.

ฮูน อี กอย ดี ลัะคานา อีมาย, เบ โลว ซัวะ แวน. อาตี, อึณ มูห ลักซานา ปี โพรม เบ ดี โอว, แตห เบ โทม โบง ปี จัร โอว เซเซ.

กาดีก ซัดฌา ปี ดัว โอว ดี แม, ปี ลาย กาแซณ อาย ตึอน, โอว ยี ดี ดัว ดี อาแซก. ซีนัม ดี ตัห, ดอ วี ฌัม มาเฆียน นี, นาง ซารา ดี ฆึอด ฆอน อีมาย ตี, ดัว ดี แม.”

อาเซ มูห อีมาย แคง อาโมยว เบ, บอ เฆ ฆอน หมาย เบ อี กอย แคง กาง เบ บอ ฆอน หมาย ปี จึห เบ ดี อี เฮา, เซ อาซาก เฆ แฮะ โนะ ดา ซีแง, เบ โลว ซัวะ แวน ฮูน ลัะคานา เฆ. เบ บอ โลว โบง ปาย ตี อาดา ดอน โจว ฮาว นา อาต. ปาย ตี โอว แฮะ แตห เบ โบง, แตห เบ โหลห กาดีก ซัดฌา ปี ดัว โอว ดี เบ เซเซ กอ ฌัม ดอน ฌาด ดอน บาน. บอ หมาย อี ฆึอด แคง กาง เบ, บอ หมาย ปี จึห เบ, เบ โลว ซัวะ แวน ฮูน ลัะคานา เฆ.