Versículos más leídos de la Biblia Matay 7

Compartir

Ṽambyaṉi, gambèṉè aṉw’apô; wutaṉi, gambèṉè aṉw’adènga; lôkaṉi, gambèṉè ny’ aṉunguṉô ṉwè.

Konde ôm’edu e bambya e bonga, n’ayè yi buta e dènga, na gôre yè yi dôka nyi be nunguṉô.

Sambô ôm’edu e jogw’agamba miṉo mi bulyô myè, alenda mô, e be kolaṉô g’ôma w’ôkeli aṉôgi nagô yè gw’idô.

Sambô isam̃u yôdu yi belô ṉwè inè, aṉaga wi ga lendiṉe ṉwè, lendaṉi yô kè gôre waô, konde nyiṉo n’ivanga n’ivogisi kè.

Ndô ômpômbala wi re zwa, ni mpoṉo yi re nyangô yi kènda gw’em̃èṉo, na wa kwè waô dènga yô.

Yingiṉaṉi g’ômpômbala wa zwa, konde ômpômbala wi r’ômpôlô, ni mpoṉo yi r’ômpuzu wi kènda gw’ijiliza, n’awenge wi jingiṉa gô yô.

Sambô j’aṉwè aṉag’aṽe aṉw’avôrô gô p’awaṉi waṉi yom̃a ṽya, ko pôrô Reri yaṉi yi re g’ôrôṽa e be pe yom̃a ṽya gôre waô wi bambyè.

Ayèkèlyaṉi, gambèṉè aṉw’ayèkèlyô. Konde ôyèkèlyô wi jèkèlya ṉwè am̃ori, wô be jèkèlyô ṉwè, n’egèṉizô zi kèṉizô ṉwè gôr’am̃ori, zô be kèṉizô gôre ṉwè.

Ndô ôm’edu e jogw’agamba miṉo mi bulyô myè, ko alenda mô, e be kolaṉô g’ôma w’ôtem̃u aṉôgi nagô yè g’ôzègè.

Ntiṉa nde yi pôno nkizi yi re gw’intyo nya mwô’ngi yo, ko w’avikily’ ôkoga wi re gw’intyo nyomè? Ge awè ko bulinya mwô’ngi yo inè: Ndare mi tômbare nkizi yi re gw’intyo, na vôna, ô re n’ôkoga gw’intyo nyomè?

Gelimaṉi gôr’ivogisi y’môka yi bya gôre ṉwè n’egolaṉi z’adombè, ndô gô gare ntye waô injègo si sasuṉa. Aṉwè be mya waô n’ilôndi yaô. Aṉaga wi dule dukatonda avila gw’arèndè, ge ifigi avila gw’ imbara?

Erery’edu eṽya zi jaṉ’ ilônd’imbya, ndô erer’eṽe zi jaṉ’ilônd’imbe.

Erer’eṽya z’ayolye jaṉ’ilônd’imbe, erer’eṽe kè z’ayolye jaṉ’ilônd’imbya.

Erery’edu zi re z’ayaṉ’ ilônd’imbya, zi begô avungô g’ôgôṉi.