Versículos más leídos de la Biblia Maˍkuˆ 16

Compartir

Hingˉ nawngˍ veu Yeˍsuˆ yawng na ha biˍ jiˍ. Nuingˉ chaˍ htaˍ nawˆ nawng aˉ keung na baˍ upˍ aeˉ yao mawnˍ pyawˉ naeˉ uiˉ ang buinˉ tangˍ maˍ aeˉ voˍ.

Yumˉ naeˉ changˉ uiˉ htiˍ baˍ hkaoˍ veu naˍ mekˆ ningˉ uiˉ na ya myangˉ naeˉ yaˇ. Naˍ mekˆ lek hkaˍ naˍ hingˉ uiˉ aˍ, ga ang maengˉ uiˉ na cuˉ yao deˍ yaˍ uiˍ na ya kaˍ taw naeˉ. Yawng ciˍ tangˍ ang byaˍ ceuˍ ciˍ laˉ naeˇ yaˇ. Yawng ngaˍ u langˉ uiˉ na chu naeˉ. Nam pit hingˉ na yawng tangˉ yao muiˉ yawng htiˍ ceuˍ baˍ hpeuˍ. Changˉ daˉ uiˉ htaˍ veu yawng laˍ puˍ boeˉ yao changˉ hingˉ uiˉ pyo laˉ laeˍ naeˍ nae Yeˍsuˆ ha biˍ jiˍ.

Yumˉ yao baˆtiˆsamˍ hkamˉ yuˉ naeˉ changˉ uiˉ ngaˍ htaiˍ awkˍ nae na ya hkamˉ naeˉ yaˇ. Baˍ yumˍ nae uiˉ changˉ ngaˍ ciˍ yangˍ naeˍ na ya hkamˉ buˉ naeˇ yaˇ.

Ta peˍ uiˍ muiˉ awkˍ taw aengˉ yao, aˉ keung na baˍ upˍ ang buinˉ tangˍ maˍ aeˉ jiˉ. Ang suingˉ Hpaˍcaoˍ nawˍ yawng kawngˉ kanˉ vaˍ yao naˍ mekˆ htiˍ baˍ uiˍ ha taw naeˉ hkaoˉ veu, ang buinˉ tangˍ hingˍ na piˉ teˍ yaˍ laˉ jiˉ.

Yang yawng na ha biˍ jiˍ. Baˍ hkae jo. Laˍ kang htaˍ veu htaˍ saeˍ jiˍ Naˍsaˍraet changˉ Yeˍsuˆ mangˉ na nawng saˉ ngaeˉ laˍ. Yaˇ teˍ laˉ laeˍ byaˇ. Yaˇ ningˉ keung baˍ ca. Yang na chiˉ jiˉ nawˆ hu lui.

Caˇ, yawng hu laeˍ yao, law ba ang huiˍ maˍ manˉ hingˉ ngaˍ naengˍ taw lang peunˉ jiˉ na ya myangˉ lae jiˉ. Haeˉ mae beu, yawng law ba ang hkawngˉ hiˉ keung awngˉ aeˉ yao, ang hpaenˉ ang pawnˍ tum nae yaˍ hkaˍ htiˍ hu na laˍ maˍ kaˍ seu duingˉ yao ca naeˉ na yawng ya myangˉ beu hkaek ya laeˍ jiˍ.