Versículos más leídos de la Biblia Kenehi 49

Compartir

E kore e riro kē te hēpeta i a Hūrā, me te tokotoko o te kāwana i waenganui o ōna waewae, kia tae mai rā anō a Hiro; ā, ka rongo ngā iwi katoa ki a ia.

“Ko Hōhepa he peka hua, he peka hua i te taha o te puna; e toro atu ana ōna manga ki tua o te taiepa. I whakatupu kino ngā kaikōpere i a ia, i pere mai hoki, i kino hoki ki a ia.

Otiia, i mau tāna kōpere i runga i te kaha, ā, i whakapakaritia ngā tākakau o ōna ringa e ngā ringa o te Mea Kaha o Hākopa, nō reira nei te hēpara, te kāmaka o Īharaira, arā e te Atua o tōu pāpā, māna anō koe e āwhina; e te Kaha Rawa hoki, māna e tuku mai ki a koe ngā manaaki o te rangi i runga, ngā manaaki hoki o te rire e takoto ana i raro, ngā manaaki o ngā ū, o te kōpū hoki.

“E Hūrā, ko koe e whakamoemititia e ōu tuākana, e ōu tēina; ka ū tōu ringa ki te kakī o ōu hoariri; ka piko ki a koe ngā tama a tōu pāpā. He kūao raiona a Hūrā; i kake atu koe, e tāku tama, i te haenga. I piko, i tāpapa ia, i pērā me te raiona, i pērā hoki me te raiona kātua – mā wai ia e whakaoho?

“E Reupena, ko koe tāku mātāmua, tōku pakaritanga, me te tīmatanga o tōku kaha; te hiranga ake o te korōria, te hiranga ake hoki o te kaha. He mea pōkarekare, ānō he wai, e kore koe e kake; mō tōu pikitanga i te moenga o tōu pāpā; pōkea iho e koe a reira – i pikitia e ia tōku takotoranga!