Versículos más leídos de la Biblia Maluko 13

Compartir

Avaanu vonda valavasuula, pakuva unyeenye muli vanyigendwa vangu. Neke kangi umuunu ye aliigugumidza ukufikila ku wusililo, uyo alaapokwa.

Muvedzage miiho! Mwikalage mwígelaniidze! Pakuva musiidzeela umusika ugo gulaavedza ndali!

Pe mulaavedza mwíbiitwe nu kusindikwa kuhigwa, mwali mutanage ukoogopa ikya kulonga. Umusika guugo mulaapeelwa ulwa kulonga, pakuva si yuunye ye mulaalonga, yu Mubepo uMwimike.

Ikyanya ni nyi filaahelanidza, neke kangi amadzwi gangu ndakyene gasilaahelanidza nambi.

“Neke kangi sikwali umuunu ye iidzeela ulwa kigono kila enewuli ikivalilo kye alaadzila uMuswamuve va Muunu, nambe vanyamwandza va kukyanya, nambe Muswamuve, yu Daada mwene ye iidzeela.

Pe mulaavedza mwipulika imola dza magoha, ni mwepo dza magoha mwali mutane ukwituunidza, pakuva idzo dzinya kuhumila tandi, neke kangi uwusililo wulaavedza waave.

Lino na yuunye muvedzage miiho, pakuva musiidzeela umusika gwe iikwadzila umunya nyumba uyo, nde iifika pamihe, nde iifika mu kilogati, nde iifika pe yiivanga ukuvika indzogolo, nde iifika lwamilaawo. Muvedzage miiho ngana aadze kitinuhidza, atane ukuvawona múgoneeliye. Kye ndikuvalongela unyeenye, ndiilonga na ku vaanu avangi vonda, muvedzage miiho!”

Pakuva inyi yimwinga yilayaaluka inyi iyingi, nu wutwa wumwinga wulawaaluka uwutwa uwungi. Kulaavedza ni filindima ni lipunge fivala fivala. Dzonda idzo dzilaavedza we waamulilo wa wuvafi ngita wa kuhola umwana.

IMola iNofu idzo dzinya kutala ukudalikwa tandi ku nyi dzonda.

Avaanu voloofu valaadzila mu litaawa lyangu, nayula alaatigila, ‘Uneene nde Mesiya,’ valavadzanga voloofu.

“Apo unyeenye mwiyangalilage, pakuva avaanu valavasindika kuhigwa mu nyigilo, nu kutowa mu nyolanilo. Unyeenye mulaasindikwa ku vatemi na vatwa, pakuva unyeenye nye vanyigendwa vangu, ukuta muvedze voolesi ukwawo.

Pakuva valaahumila avaanu avakwitambula Mesiya na vangi avakwitambula ukutigila vavidzi. Vonda avo valaavedza vadesi. Valaahuufya ifimanyilo ni fidzumo fikomi ukuvadzanga avaanu, nde vavedze vahaagulwa va Nguluvi.

“Mu figono ifyo, imumuko pe dzilaavedza dzídzumbile, ‘uNguluvi alaahambusa ilidzuwa ukuvedza kiisi, umwedzi gulaatilivadzwa, ni nondwe dzilaaguwa paanyi, kangi uNguluvi alaatendemya ifiinu fyonda ifikomi ifyo ifili kukyanya.’