Versículos más leídos de la Biblia Eksodas 23

Compartir

Jame te pogho soru kolho ghotilo ka iara nomi LORD God na, iara ginau na keli tagu ka ghotilo na tusu ari ghemi gano nei khoꞌu eghu, eghuteuna iara ginau na jaola bara fothi ghami ghotilo ka fogra biꞌo. Goro gaꞌase tholaghi te gnafa re mala kafe au thudi hui, eigna iara theome snakreni kaisei gaꞌase ka reꞌe te khoko thugna na, ba te lehe ka thiꞌa idogna na te karha nga na. Iara ginau na snakre ghami ghotilo mala au fabrahu tifa e tifa ka nauthoglu igne.

LORD ne cheke eghu, “Filo si ghotilo, iara ginau na kuruni nogu engel na mala tei ke ulumi ghotilo mala reireghi ghami ghotilo ka nabrou te mala tei ghotilo na. Mana ginau na atha ghami ghotilo tei ka kantri teke kulu tarabana teku iara mala tei au ghotilo tagna teku ia.

Nu jame te thofno leghudi ghotilo unha te chekedi mana re nei edi ghotilo glepo teke chekedi iara ra teuna, iara ginau na kegra tughu ghami ghotilo mala magridi nomi mae naoka ghotilo are.

“Kate tei ka fate na, ghotilo chekeni koba ngala unha te tutuani na, neuba naikno kmana ne kafe phile ka unha te diꞌa na, ghotilo kegra maku ngala ka unha te tutuani na. Kate kilo ghami mare te mala toutonu eigna kaisei mae te kuma ka fate na, ghotilo thosei ne mae kuma mana eghu toghoni mae te kuma igne.

Mae Moses ne cheke soru ka naiknore chekegna LORD na, ne cheke eghu, “Kate tei ka fate na, ghotilo thosei toutonu chaghi ranghini ihei unha glepo te theome tutuani na, ba toghoni mae ihei te diꞌa puhigna na.