Versículos más leídos de la Biblia Eksodas 15

Compartir

Aonu God ne cheke eghu ranghidi naiknore, “Iara nomi LORD God ghotilo, iara neke famafodi khabrumi ghotilo ra. Jame te leghu ghau iara ghotilo te edi glepo te keli ka gaoghathogu iara re, nei leghudi nogu vetula iara re teuna, iara na theome tusu ari ka ghotilo nafnata khabru teke edi iara ranghidi mae Ijep ra teke au papara mare ra.”

“Iara koje mala fafnaknoni nanghagna LORD, eigna mana ne tusu mei nanheta ka iara. Mana neke atha fapulo ghau iara, eghuteuna iara magnahaghei te pala hagheni nanghagna mana na. Mana na nogu God iara, mae ihei teke pogho soruni mae kuꞌegu iara ra.

LORD, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Iagho neke foli fapulo ghami ka nou namha na neke atha ghami ghehati neke tei. Kate tei ghehati na iagho ginau na baubatu ghami ghehati tei ka vido te blahi fara teke kulu vavahi iagho mala au ghehati teku iagho na.

Kate tei posa mare kaisei vido na, mare ne filoni kaisei khoꞌu jare, nu mare theome tangomana te koꞌu na, naugna ne thono raha fara. Aonu mare ne kiloni khoꞌu igne Mara, gaoghathogna na “Raha”. Naiknore ne diꞌa tadi fara ka mae Moses ne nguru ngau ka mana ne ghusna eghu ka mana, “Ba? Na koꞌu unha si tahati ia?” Aonu mae Moses ne tarai heta ka LORD ne cheke eghu, “ ne cheke eghu, “LORD, togho ghau iara!” LORD ne falalase ka mae Moses kaisei phugra gaju ikoi. Mae Moses ne atha haghe phugra gaju ikoi tuana ne koko lao ka khoꞌu te raha na. Eghuteuna khoꞌu na neke keli neke naba mala teke koꞌu na. Ka vido igne God ne tusu ranghidi hatimare mae Israel keha vetula nei fariuriudi mare jare mala laseni glahula me leghuni Mana gu theo ghu teu naiknore.