Versículos más leídos de la Biblia Eksodas 10

Compartir

Ke leghugna igne, LORD neke cheke eghu ka mae Moses, “Moses, iagho ke pulo mala ke tei filoni king gna Ijep. Eigna iara neke famamhaku nagnafagna king na nei nagnafadi hatimare nogna mae funei mana re eghu, mala tangomana iara te eꞌei kofubobhoi igne ke uludi mare. Iara neke eni igne naugna iara magnahaghei nigho iagho teke toutonu ranghidi thumu nei gramu teu ra eidi u kofubobhoi tela diꞌanagnafa nei mamaja telau mae Ijep gre. Eghume ghotilo te gnafa na ginau na laseni te iara ngala LORD na.”

Ke leghugna igne LORD ne cheke eghu ka mae Moses, “Tusu haghe khamemu na kligna, eghuteuna u gromno biꞌo te thuta te naba te mala haboni ka khame na ginau na soru mei toku tafruni Ijep.” Mae Moses ne tusu haghe khamegna na kligna, eghuteuna u gromno biꞌo te thuta igne mei ne toku tafruni Ijep naba thilo narane. Ka vido tuana naiknodi Ijep igre theome tangomana te fari filoi na, ba theome tangomana te jifla ka sugadi re. Nu ka vido te au teu maedi Israel gre na, jare na phaeu ngala, theome romno.

Aonu mae Moses ne tusu haghe nogna khodo na ke kligna Ijep, eghuteuna LORD ne fameini nuri biꞌo na ne mei funu ke maghati. Nuri igne ne mei faheta bongi narane na, hamerane ka keha narane na cheche na ne mei, ne thafru tongana ka vido te gnafa ka kantri Ijep. Tifa na neke theo kaisei naikno teke filoni te kmana fara cheche jateula tuana teku Ijep na, nei na teke filoni te kmana fara jateula tuana teu ginau na.