Versículos más leídos de la Biblia ငဝ်ႈၵမ်ႇၽႃႇ 25

Compartir

ထႃႇဝရႃႉ​ၽြႃး​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ ၵႃႈ​တီႈ​ၼႂ်း​တွင်ႉ​မႂ်း​ၼႆႉ​မီး​ၵူၼ်း​သွင်​မဵဝ်း​ဢေႃႈ။ ၵူၼ်း​သွင်​ၸိူဝ်ႉ​သွင်​ၶိူဝ်း ဢၼ်​ပႅၵ်ႇ​ပိူင်ႈ​ၵၼ် တၵ်း​လႆႈ​ၵိူတ်ႇ​လဵင်ႉ ဢွၵ်ႇ​သေ​ၵႃႈ​ၼႂ်း​တွင်ႉ​မႂ်း​ဢေႃႈ။ ၵူၼ်း​မဵဝ်း​ၼိုင်ႈ တၵ်း​ႁႅင်း​ယႂ်ႇ​ၼႃႇ​သေ မဵဝ်း​ၼိုင်ႈ​ဢေႃႈ။ ၵေႃႉ​ယႂ်ႇ​ၼၼ်ႉ တၵ်း​လႆႈ​ၶၢမ်ႇ​ႁဵတ်း​ၶႃႈ​တီႈ ၵေႃႉ​လဵၵ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

မၼ်း​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ ဢဝ်​တၢင်း​ၵိၼ်​ဢၼ်​လႅင်​ၼၼ်ႉ​လဵင်ႉ​လူ​ၵဝ်​သေ​ၵမ်း​တႃႉ။ ၵဝ်​ႁိူဝ်ႉ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ ၶဝ်​ႁွင်ႉ​ႁဵၵ်ႈ​ၸိုဝ်ႈ​သဵင်​မၼ်း​ၼၼ်ႉ​ ဢေႇတုမ်ႇ ​ဢေႃႈ။

ဢီႉၸၢၵ်ႈ ​ၼၼ်ႉ၊ ၵွပ်ႈ​ပိူဝ်ႈ​ဢၼ်​မေး​မၼ်း​ ရေႇပႅၵ်ႉၵႃႉ ​ၼၼ်ႉ ပဵၼ်​ဢၼ်​မၼ် ဢမ်ႇ​မီး​လုၵ်ႈ​လႄႈ တွင်း​ပၢၼ်ႇ​ထႃႇဝရႃႉ​ၽြႃး ပုၼ်ႈ​မၼ်း​ၼၼ်ႉ​ဢေႃႈ။ ထႃႇဝရႃႉ​ၽြႃး​ၵေႃႈ၊ ထွမ်ႇ​ဢဝ်​လႄႈ​မေး​မၼ်း​ၼၼ်ႉ​ပႃး​ပတိၵ်ႉသၼ်ႇထေႇ​ဢေႃႈ။

ဢေးသေႃး ​လၢတ်ႈ​လႄႈ​ဝႃႈ၊ တူၺ်း​လူး၊ ၵဝ်​ၸမ်​တၵ်း​တၢႆ​ယဝ်ႉ။ ၵွပ်ႈ​ပိူဝ်ႈ​ဢရႃႇ​လုၵ်ႈ​တူၼ်ႈ​ၼႆႉ​လႄႈ ၵဝ်​တၵ်း​မီး​ဢၵျူဝ်း ၵႃႈ​သင်၊ ဝႃႈ​ၼင်ႇ​ၼႆ​ဢေႃႈ။- ယႃႇၵုပ်ႈ ​ၵေႃႈ​လၢတ်ႈ​လႄႈ​ဝႃႈ၊ ဝၼ်း​မိူဝ်ႈ​ၼႆႉ ႁဵတ်း​တၢင်း​ဢၼ်​ၵိၼ်ႇ​ဢၼ်​ဝႃႈ​တီႈ​ၵဝ်​သေ​ၵမ်း​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊​မၼ်း​ၵိၼ်ႇ​ဝႃႈ​လႄႈ ၶၢႆ​ဢရႃႇ​လုၵ်ႈ​တူၼ်ႈ​ပၼ် တီႈ​ ယႃႇၵုပ်ႈ ​ဢေႃႈ။

လိုၼ်း​ၼၼ်ႉ ၵေႃႉ​ၼွင်ႉ​ၸၢႆး​ယိပ်း​သူၼ်ႈ​တိၼ်​ ဢေးသေႃး ​လႄႈ ၵိူတ်ႇ​လဵင်ႉ​ဢွၵ်ႇ​မႃး​ဢေႃႈ။ မၼ်း​ၼၼ်ႉ​ၸမ်ႉ၊ ၶဝ်​ႁွင်ႉ​ႁဵၵ်ႈ​ၸိုဝ်ႈ ယႃႇၵုပ်ႈ ​ဢေႃႈ။ ဢီႉၸၢၵ်ႈ ​ၼၼ်ႉ မိူဝ်ႈ​ဢၼ်​မေး​မၼ်း​ၵိူတ်ႇ​လဵင်ႉ​လုၵ်ႈ​ၸၢႆး​သွင်​ၵေႃႉ​မႃး​ၼၼ်ႉ​ၸိုင်၊ ဢသၢၵ်ႈ​မၼ်း​လႆႈ​ႁူၵ်း​သိပ်း​ပီႊ​ဢေႃႈ။

ဢီႉၸၢၵ်ႈ ​ၼၼ်ႉ ႁၵ်ႉ​ပႅင်း​ ဢေးသေႃး ၵွပ်ႈ​ပိူဝ်ႈ​ဢၼ်​ယၢမ်ႈ​လႆႈ​ၵိၼ်​ၽၵ်း​ၼိူဝ်ႉ​ဢၼ်​မၼ်း​ပၼ်​ၼၼ်ႉ​ဢေႃႈ။ ရေႇပႅၵ်ႉၵႃႉ ​ၸမ်ႉ၊ ႁၵ်ႉ​ပႅင်း​ ယႃႇၵုပ်ႈ ​ဢေႃႈ။