Versículos más leídos de la Biblia यूहन्ना 17

Compartir

अपना के बचन सत्य हय; एसे सत्य के व्दारा अपना उनहीं सेबा के खातिर तइआर करी।

अउर अनन्त जीबन इआ आय, कि ऊँ पंचे अपना काहीं जउन एकलउते परमातिमा आहेन, अउर यीसु मसीह काहीं जिनहीं अपना पठयन हँय, जानँय।

हम केबल इनहिन भर के खातिर प्राथना नहीं करी, बलकिन उनहूँ के खातिर घलाय करित हएन, जे इनखे बचन काहीं सुनिके, हमरे ऊपर बिसुआस करिहँय, जउने ऊँ पंचे सगले जन एक होंय। हे पिता परमातिमा, जइसन अपना हमरे साथ हएन, अउर हम अपना के साथ हएन, उहयमेर ऊँ पंचे घलाय हमरे साथ होंय, एसे कि जउने संसार के सगले मनई बिसुआस करँय, कि अपनय हमहीं पठयन हय।

हम अपना से इआ प्राथना नहीं करी, कि अपना उनहीं संसार से उठाय लेई, पय इआ, कि अपना दुस्ट सइतान से उनखर रच्छा करी।

अउर उआ महिमा जउन अपना हमहीं दिहेन हय, उहयमेर से हम उनहूँ पंचन काहीं महिमा दिहेन हय, कि जइसन हम अपना एक हएन, उहयमेर ऊँ पंचे एक होंय। हम उनमा अउर अपना हमरे साथ एक होइके रही, कि ऊँ पंचे पूरी तरह से एक होइ जाँय, जउने संसार के सगले मनई जानँय, कि अपनय हमहीं पठयन हय, अपना जइसन हमसे प्रेम करित हएन, उहयमेर उनहूँ से प्रेम करित हएन।