Versículos más leídos de la Biblia खास चेलन 4

Compartir

अउर “यीसु के अलाबा कउनव दुसरे के द्वारा मुक्ती नहीं मिल सकय; काहेकि स्वरग के नीचे मनइन माहीं, अउर कउनव दूसर नाम नहीं दीनगा, जेखे द्वारा हम पंचे मुक्ती पाय सकी।”

जब ऊँ पंचे प्राथना कइ चुके, त उआ जघा जहाँ ऊँ पंचे एकट्ठा रहे हँय, डोलिगे, अउर ऊँ पंचे सगले जन पबित्र आत्मा से भरिगें, अउर परमातिमा के बचन साहस के साथ सुनाबत रहिगें।

अब, हे प्रभू, उनखे धमकिन काहीं देखी; अउर अपने सेबकन काहीं इआ बरदान देई, कि अपना के बचन बड़े साहस से सुनामँय।

ईं यीसु उहय पथरा आहीं जेही तूँ पंचे राजा के कारीगर लोग तुच्छ ठहराया तय, उहय कोनमा के खास पथरा बनिगा।

जब ऊँ पंचे पतरस अउर यूहन्ना के साहस देखिन, अउर इआ जानिन, कि ईं पंचे अनपढ़ अउर साधारन मनई आहीं, त अचरज मानिन; अउर पुनि उनहीं पहिचान लिहिन, कि “ईं पंचे त यीसु के साथ रहे हँय।”

बिसुआस करँइ बालेन के मंडली एक चित्त, अउर एक मन के रही हय, इहाँ तक कि कउनव अपने धन-सम्पत काहीं, आपन नहीं कहत रहा आय, पय सगला साझे के रहा हय।