Versículos más leídos de la Biblia खास चेलन 2

Compartir

तब पतरस उनसे कहिन, “अपने-अपने मन काहीं बदला, अउर तोंहरे पंचन म से हरेक जन, अपने-अपने पापन के माफी के खातिर, यीसु मसीह के नाम से बपतिस्मा ल्या; त तूँ पंचे पबित्र आत्मा के दान पइहा।

अउर ऊँ पंचे यीसु मसीह के खास चेलन से सिच्छा पामँइ, अउर संगति रक्खँइ माहीं, अउर रोटी टोरँइ माहीं, अउर प्राथना करँइ माहीं अपने-आप काहीं समरपित कइ दिहिन।

अउर ऊँ पंचे सगले जन पबित्र आत्मा से भरिगें, अउर आत्मा जउनमेर उनहीं बोलँइ के सामर्थ दिहिन, ऊँ पंचे अनजान भाँसा माहीं बोलँइ लागें।

अउर एकाएक अकास से बड़ी आँधी कि नाईं सनसनाहट के बोल सुनान, अउर ओसे सगला घर जहाँ ऊँ पंचे बइठ रहे हँय, गूँजिगा। अउर उनहीं आगी कि नाईं जीभँय फटत देखाई दिहिन; अउर उनमा से हरेक जन के ऊपर आइके ठहर गईं। अउर ऊँ पंचे सगले जन पबित्र आत्मा से भरिगें, अउर आत्मा जउनमेर उनहीं बोलँइ के सामर्थ दिहिन, ऊँ पंचे अनजान भाँसा माहीं बोलँइ लागें।

अउर ऊँ पंचे हरेक दिन एक मन होइके मन्दिर माहीं एकट्ठा होत रहे हँय, अउर घर-घर रोटी टोरत, सच्चे मन से आनन्द के साथ खाना खात रहे हँय। अउर परमातिमा के अराधना करत रहे हँय, अउर सगले जन उनसे खुसी रहे हँय, अउर जउन मनई मुक्ती पाबत रहे हँय, उनहीं प्रभू हरेक दिन उनखे दल माहीं मिलाय देत रहे हँय।

‘परमातिमा कहिन हीं, कि अन्त के दिनन माहीं अइसा होई, कि हम आपन आत्मा सगले मनइन के ऊपर उड़ेलब, अउर तोंहार लड़िका-बिटिया भबिस्सबानी करिहँय, अउर तोंहार नवजमान दरसन देखिहँय, अउर तोंहार बुढ़ान मनई सपन देखिहँय।

अउर ऊँ पंचे सगले बिसुआस करँइ बाले एकट्ठा रहत रहे हँय, अउर उनखर सगली चीजँय साझे माहीं रहत रही हँय। अउर ऊँ पंचे आपन-आपन धन-सम्पत, अउर समान बेंच-बेंचके जेखर जइसन जरूरत होत रही हय, बाँट देत रहे हँय।

अउर जे कोऊ प्रभू के नाम लेई, उहय मुक्ती पाई।

प्रभू के महान अउर तेजोमय दिन के आमँइ से पहिले, सुरिज माहीं अँधिआर, अउर जोंधइआ खून कि नाईं होइ जई।’