Versículos más leídos de la Biblia uMataayi 5

Compartir

Havhili, avhantu vhatakuhozya inyaale nu kuyigubishila ni nsonta, nkandi vhakuyivhiiha pi ibeeja, inga yivhahozezye vhonti vhe vhali mu nyumba. Vhwevhulo, vwe uvhuzelu vhwinyu vhukwanzilwa vhuvhahozezyaje avhantu, inga vhazilolaje imbombo zyinyu inyinza, pe vhamushindihaje uTaata wiitu uwa ku mwanya.”

“Imwe mwe vhuzelu vhwa mu nsi. Inkaaya ye yizengwilwe pi igamba pamwanya, yitangazyihama.

Vhalosiitwe vhe vhali nu mwoyo umwinza, mwe pe vhalimulola uMulungu.

Vhalosiitwe vhe vhali ni nzala ni shinyooto isha vhugolosu, mwe pe vhaliyiikuta.

Ileelo ine nkuvhavhuuzya kuuti, muvhakundaje avhalugu vhiinyu. Havhili, muvhalavhilaje uvhuloote kwa Mulungu vhonti vhe vhakuvhayimvwa.

“Vhalosiitwe vhe vhapiina mu mooyo, mwe pe uvhumwene uvhwa Mulungu vhwavho.

Vhalosiitwe vhe vhakuvhakundanya avhamwavho, mwe pe uMulungu alivhiita kuuti vhaana vhaakwe.

Vhalosiitwe avhaswimiilizu, mwe pe uMulungu alivhasuvhaalizya.

Vhalosiitwe vhe vhakuyimvilwa kuzya vhugolosu, mwe pe uvhumwene uvhwa Mulungu vhwavho.

Vhalosiitwe vhe vhali nu vhwila, mwe pe uMulungu alivhafwila uvhwila.

“Mulosiitwe imwe, inga avhantu vhakuvhaliga nu kuvhayimvwa nu kuvhayanjila imbiivhi izya mavhiila mu mavhiila ni zya ilenga, mwe pe mukuniitiha ine. Lwe zikuvhombeha izyo, museshelaje nu kudovhela, mwe pe uMulungu aliivhapa ishipeelwa ishipiti ku mwanya. Havhili vhwevhulo, vwe vhahavhayimvwaga avhakuvhwi vhe vhávhalongoleeye imwe.”

Vhalosiitwe avhatonsu, mwe pe uMulungu aliivhapa insi.

UYeesu ahajendeelela kuyanga, ahati, “Imwe mwe livheeya ilya mu nsi. Ileelo ivheeya inga lyasuupa, shiliipo she shingalinonia? Litangaahola havhili ishintu shonti, nkandi likuvha lya kwita panzi, nu kulihanyanjila.

Pe ishi, niimwe muvhe mwe vhalunjisu inza uTaata wiitu uwa ku mwanya vwe mulunjisu.”

Inga mukwitiha ishintu, mutinji, ‘Eena’ vhweleele, poosye inga mukuhaana, mutinji, ‘Ndaali’ vhweleele. Zyonti zye zikwonjela muli izyo, zikufuma kwa Muvhiivhi ula.”

“Mwivuuye ululajizyo lwe lukuti, ‘Ilyinso kwi lyinso, ni lyino kwi lyino.’ Ileelo ine nkuvhavhuuzya kuuti, mutalanduzyaje kwa muntu we akuvhavhombela imbiivhi. Ileelo inga umuntu akukanza uludili ulwa kundiilo kukusuufwa, muleshe akukanze nu lwamwavho.

Ishi inga ilyinso lyaho ilya kundiilo likukupelela kuuti uvhombe uvhutalamalandu, ulifwonkole nu kulisumba. Yeenya, kwashi kushiteezya ishipelwa shaaho shooka isha mu muvhili waaho, kuluusya kuuti umuvhili waaho wonti wuhasumbwe mwi ipalaazya ilya mwoto uwa shiima. Havhili, inga inyoovhe yaaho iya kundiilo yikukupelela kuuti uvhombe uvhutalamalandu, uyidumule. Yeenya, kwashi kushiteezya ishipelwa shaaho shooka isha mu muvhili waaho, kuluusya kuuti umuvhili waaho wonti kusumbilwa mwi ipalaazya ilya mwoto uwa shiima.”