Versículos más leídos de la Biblia Matewuji 27

Compartir

Mwa enne yagafiyile pandi ya 15 ora ile, Yesu ohowongaga na mazu okuwa eraga: <<Eli, Eli, lama sabatani?>> Yenno inatapulela: <<Mulugu waga, Mulugu waga, mudihiyele nni?>>

Mwa tempu yenne yakwa Yesu kurtina ilukulu yafwanyeya mmba mwa Nyumba ya Yehova yohokauwaga vari na vari roma zulu fiyeda vati. Eto ilambo yatene yohoinainaga eto mabwe kohotweyaga. Masiye kohuleyaga eto atu adjindji otchenihiwa kakwile, kohovenyaga mokwani.

Noira enne, Yesu ohowelela wonga akoka no kuwa undimuwa, liye velela muzimu waye.

Fwanyeya ira mundimuwa wa anyakondo vamohi na anyakondo afwaye atene kamuing'anelaga Yesu, kagaonne indarandara ya ilambo vamohi na jatene jaireyaga, kohorendjeyaga valukulu, aliwa roma ova eto kohowongaga keraga: <<Mutula, mwa ibaribari ali Mwana Mulugu.>>

Noira enne, wohozaga isi ilukulu ilambo yatene, romela pandi ya 12 ora fiyeda 15 ora.

Pilatu ohafuka akoka eraga: <<Nnga damukutcha mulombwana Baraba, Yesu wenno unaitaniwa Namatikeliwa, dimuirena avi?>> Atene kohoiraga: <<Akomeliwe vamuradini!>> Evale Pilatu ohafuka eraga: <<Mulombwanola kodi unafwanyeyana mulandu nni?>> Mbwenye aliwa kokuwagave na mazu olimbiha keragave: <<Kamukomeleni vamuradini!>>