Versículos más leídos de la Biblia Fuɗɗoode 28

Compartir

Aan du, miɗo wondi e maaɗa. Mi reenete ɗo njahuɗaa fuu. Mi wartirte e leydi ndii, sabo mi yoppataa ma. Mi hiɓɓinan ko aadaniimi ma ɗuum.

Joomiraaɗo darii dow maggal, wi'i: — Miin woni Joomiraaɗo, Laamɗo bammaa Ibrahiima, Laamɗo Isiyaaka. Leydi ndi pukkiɗaa dow muuɗum ndiin, mi hokkete ndi, aan e ƴuwdi maa.

Yaakuuba finti, wi'i: — Tannyoral, Joomiraaɗo ina woni ley nokku oo! De mi anndaano.

Yaakuuba hunii, wi'i: — Si Laamɗo wondii e am, reenii kam e jahaangal am ngaal, si o hokkii kam ko nyaamammi e ko koltanmi, faa mi wartii suudu baaba am e jam fu, Joomiraaɗo laatoto Laamɗo am. Wooɗi hayre nde ndarnumi, ngaɗumi maande miccinoore ndeen du, nde laatoto suudu maa aan Laamɗo. Ko kokkuɗaa kam fuu, mi ittante sappoɓerde muuɗum jakka.

Ƴuwdi maa ɗuuɗan hono gabbe njaareendi, ndi sankitoto faro lettugal e gorgal e soɓɓirre e horɗoore. Lenyi duuniyaaru fuu keɓan barke saabe maa e saabe ƴuwdi maaɗa.

O inndiri nokku oon Baytila. Arande huɓeere ndeen ina inndirenoo Luus.