Versículos más leídos de la Biblia RUM 8

Compartir

Tau kali', idi amung-amung kekamen perurum ngacing luk do' kuan lemulun luk mawa inan Allah, ieh ineh kuan lemulun luk tinawar maya' pianNeh.

Ngaceku ui merapet até idi ulun, melaikat idi raca', amung-amung luk inan nekini idi luk sikal macing teh, idi lalud luk dat, lalud luk pa luun, idi lalud luk pa liang, idi anun-anun luk pinudut pana', na miak matad netau ratnan awa Allah luk bang Keristus Yésus Tuhan tau.

Kudeng ineh teh Roh pana' ngedengan laya' tau. Ngaceku na tau kali' luk petulu pituen tau; iamo' Roh ineh sebuleng mutuh ratnan Allah kuan tau dengan arod luk na miak belén peh.

Ngaceku ineh anunké luk belén tau nekini? Kudeng Allah ngedengan netau, idéké luk miak metueh rat netau?

Nekini na luk idi ukum kuan lemulun luk bang Keristus Yésus.

Ngaceku bua' terawé maya' pinian burur, ieh ineh maté; iamo' bua terawé ratnan Roh, ieh ineh ulun idi awang.

Na, iamo bang amung-amung ini tau meluun tueh ngaceku Ieh luk mawa netau.

Ui ngerawé, idi dereh luk bang kareb ini na miak uen maad dengan rayeh luk uen ngelio kuan tau muci.

Idéké luk miak matad netau ratnan awa Keristus? Susa'ké, kian dereh lek, kian luk sikal ngedereh lek, kian lau lek, kian luk lubpa lek, kian luk ngesabeng lek, kian pelapet lek?

Allah luk nier niat lemulun kali' anun-anun luk teruayen Roh ineh, ngaceku Roh ineh mutuh ratnan Allah kuan amung-amung lun manu maya' pianNeh.

Lemulun luk kiuten Roh Allah, ieh ineh anak-anak Allah.

Lemulun luk mulun maya' pinian burur ngerawé ratnan tana' ini, iamo' lemulun luk mulun maya' Roh ineh ngerawé ratnan amung-amung luk pian Roh.

Ngaceku Allah na nengimet AnakNeh sebuleng, iamo' nemaré Neneh ku peruan tau amung-amung, kali' rungen dengan baré ineh Ieh sikal maré anun-anun pana' luk miak barénNeh kuan tau.

Roh Allah ineh maré kali' dengan roh tau, ratnan tau ini anak-anak Allah. Ngaceku tau ini anak-anakNeh, tau miak ngalap babpat luk litep Allah kuan pupuNeh. Idi teh tau ngalap babpat dengan Keristus, kudeng tau perurum medereh denganNeh, pad tau mepad uen ngerayeh denganNeh.

Lemulun luk ngerawé maya' pinian burur pebunu' dengan Allah, ngaceku na maya' ukum Allah, idi na tu-tu miak.

Dengan rapet luk rayeh amung-amung luk pinudut nganét anak-anak Allah uen ngegala'.

Tau kali' idi amung-amung luk pinudut ineh mepad arod, idi mepad kali' mét nenganak macing nekini pana'.