Versículos más leídos de la Biblia MATIUS 13

Compartir

Idi luk inisak luun tana' mebaleng, ieh ineh lemulun luk ninger bala, idi do' kali' ilungneh; idi ieh kebua' idi ngeruat mula' uli', sebuang meratu ula'neh, sebuang anem ngepulu' ula'neh, idi sebuang teluh ngepulu' ula'neh.”

Idi luk inisak arang tabpa', ieh ineh lemulun luk ninger bala ineh; idi rapang luk ratnan tana' ini, idi saluk ratnan mula' binaweh, nebpek bala ineh, pad ieh na kebua'.

Kareb lemulun ninger bala ratnan Imet ineh, idi na kali' ilungneh, idi petacu Seluk Dat macing, idi ngaro padé pimara luk pangeh inisak bang niatneh, ini ieh luk inisak iring dalan.

Iamo' luk inisak luun tana' luk metekura', ieh ineh lemulun luk ninger bala idi petacu ngalap neneh dengan mawang niat. Iamo' na luk idi uat bang bururneh sebuleng, idi ieh tuman segageh mo'. Idi kareb susa' idi dereh macing ngaceku bala ineh, petacu ideh lemubed.

“Imet surga mepad kudeng aceh binaweh luk meraga luk inapung bang tana', luk ilap lemulun idi ieh nengapung neneh teh. Ngaceku ieh pelaba awang niat, idi ieh nemasui amung-amung luk ieh kuan, idi iné' melih tana' ineh.

Iamo' inan teh luk nebpeh luun tana' luk mebaleng, pad ieh nengeruat bua', sebuang meratu ula'neh, idi sebuang anem ngepulu' ula'neh, idi sebuang teluh ngepulu' ula'neh.”

Do' nima' dueh-duehneh mulun pad macing kareb ngeranih. Idi kareb ngeranih ui sikal ngecuk nelun luk ngeranih mubput amung-amung budud atun idi ngangel neneh idi ngeseb neneh, iamo' padé ineh uen ngamung bang lepoku.’ ”