Versículos más leídos de la Biblia Efɛ 1

Compartir

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃. Pàã gole mɛn bɛ́ a lon goleemali wolen wɔ lɛa, a die a toa ka bɛ dɔ̃. A na á n we bɔ ka bɛa pàã gole kɛ lɛ nɛ, á Krita yii kaa nɛ, á bɔ geren li á da yiikoonaan li, á koa lon, a din gusin. A na á koa lon màn pàãdɛnan tumaa mìi la, ka ǹ goledɛnan nɛ. Tɔ mɛn bɛ́ boe la a tá n koe pelo a kanaa kɛ nɛ, ka kanaa kɛ-n die, a na á koa bɛ tumaa mìi la.

Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ, a na á saa lɛlɛ, á wɔ baa a din a nɛnyaanan lɛa ka Yezu Krita barka nɛ. A na á zɛnaa miɛ̃, a giala mà bɛ á kɔɔ̃n a ganaa.

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.