Versículos más leídos de la Biblia A Mark koe‑noogo 13

Compartir

Nebã fãa na n kisga yãmb mam yʋʋrã yĩnga, la ned ning fãa sẽn na yals kãenkãe hal tɩ wakat ta na paam fãagre.

Gũus-y neere. Neend-y-yã, bala, yãmb ka mi ra-kãng sẽn na n wa wakat ning ye.

B sã n yõg yãmb n kẽnd bʋʋd zĩigẽ, bɩ y ra maan yɩɩr ne yãmb sẽn na n tɩ yeel tɩ bũmb ning ye. Togs-y bũmb ning Wẽnnaam sẽn na n wilg yãmb wakat-kãngã, bala, ka yãmb n na n gom ye, yaa Sɩɩg-sõngo.

Yĩngr la tẽng na looge, la mam goamã kõn tol n loog ye, abada.

Sã n yaa ne da-kãng daare la a wakatã, ned baa a yembr ka mi ye: Malegs sẽn be arzãn ka mi, bi-riblã me ka mi. Yaa m ba bal n mi.

Yãmb sã n wʋm zabr rãamde, la y wʋm zabr kibare, bɩ y ra yɛɛs ye, bala, yaa tɩlɛ tɩ bõn-kãens fãa zĩndi, la rẽ nan ka wakat saab nand ye.

Woto yĩnga, neend-yã, tɩ yãmb ka mi wakat ning yirã soab sẽn na n wa wã ye. Tõe n yɩɩ zĩ-sobdo, wall yʋn-sʋka, wall no-kɛleng wakate, wall yibeoogo. Maan-y rabeem tɩ b ra ling n wa n mik tɩ yãmb gõeeme ye. Bũmb ning mam sẽn yet yãmbã, mam yet-a-la nebã fãa: Neend-y-yã.»

Tẽng a ye rãmb na n yika zabr ne tẽng a to rãmba, tɩ soolem a ye rãmb yik ne soolem a to rãmba. La tẽn-digimdg na n zĩnda zĩig-zĩiga, la kom na n zĩndame. Bõn-kãens fãa na n yɩɩ wa rogem toog sɩngr bala.

Yaa tɩlɛ tɩ koe-noogã reng n moon tẽmsã fãa pʋse.

Bala, neb wʋsg na n dɩka mam yʋʋr n wa n yeel tɩ bãmb yaa maam, la b na n tudga neb wʋsgo.

Gũus-y y mense. Neb na n yõga yãmb n kẽng bʋʋd zĩisẽ, la b na n pãba yãmb karen-dot pʋse. Neb na n yõga yãmb n kẽng Gʋvɛrneer dãmb la rĩm-dãmb taoor mam yĩnga, tɩ bãmb paam n wʋm kasetã.

Bala, neb sẽn yagd zĩrẽ tɩ b yaa Kirisi, la neb sẽn yagd zĩrẽ tɩ bãmb yaa Wẽnnaam no-rɛɛsdb na n yikame n maan bãn la bõn-yɛɛsdse, tɩ b sã n tõe, bɩ b tudg nin-tũusdsã.

Wakat-kãnga, to-kãng zugẽ, wĩntoogã na n sobgame la kiuugã kõn kõ a vẽenem yɛs ye. Ãdsã na n yii yĩngr n dʋʋge, la saasẽ pãens rãmbã na n digimdame.