Versículos más leídos de la Biblia Sɩngre 28

Compartir

La gese, mam mengã bee ne foom. Mam na n gũu foom zĩig ning fãa fo sẽn na n kẽnge, la mam na n talla foom n lebg n wa soolem-kãngã pʋga. Bala, mam ka na n tol n bas foom ye, mam na n pidsa bũmb ning mam sẽn yeel foomã.»

La mikame tɩ Sẽn-Ka-Saab rag n yasa raodgã zugẽ n yetẽ yaa: «Mam yaa Sẽn-Ka-Saabo, n yaa fo yaab a Abrahaam Wẽnnaam, la a Izak Wẽnnaam. Fo sẽn gãe tẽng ning zugã, mam na n kõ-a-la foom ne f yagensã tɩ y sooge.

La a Zakoob sẽn nek a gõeemẽ wã, a yeelame: «Mam mii hakɩɩka, tɩ Sẽn-Ka-Saab bee zĩ-kãngã, la mam dag n ka mi ye!»

Yẽnda maana pʋleng n yeele: «Wẽnnaam sã n sɩd bee ne maam, la b sã n gũ maam sorã zug m kẽndã pʋga, la b sã n kõ maam dɩɩb tɩ m dɩ, la b kõ maam fut tɩ m yeelge, la b sã n sõng maam tɩ mam tõog n lebg n leb n ba wã zakẽ ne bãane, Sẽn-Ka-Saab na n yɩɩ mam Wẽnnaam. Kug-kãngã mam sẽn vigl tɩ yaa tẽn-kugrã na n yɩɩ Wẽnnaam doogo. Mam na n yãka bũmb nins fãa yãmb sẽn na n kõ maamã piig pʋɩɩr n kõ yãmba.»

Fo yagensã sõor na n yɩɩ wʋsg wa tẽng tom. Fo yagensã na n saag n pida poorẽ la taoore, ne goabg la rɩtgo. Dũniyã nebã fãa na n paama bark foom ne f yagensã zug maasem yĩnga.

Yẽnda pʋda zĩigã yʋʋr tɩ Betɛlle, la tẽngã meng yʋʋr dag n yaa Luuzi.