Versículos más leídos de la Biblia FYAASO 12

Compartir

Werei nriminy lluimaa nndu ifura; Indi irero lyaantu mmbo liniinga nndu waantu.

Nndu akunda wiikyimbi mmbo awonisa urango, indi nalakundye iikimbwa ni nrung'ani.

Marero a mweelu mmbo avyaa sha kyaandu, Indi kindo areraa nndu atiri urango usha mmbo kishiisaa itiinga.

Nndu nrung'ani mmbo alollyaa sheelyi shia yakwe nyiorokye, Indi nndu atiri urango usha mmbo aarannyaa kindo avioo.

Ukasha lwa nrung'ani llumanyikaa uviny, Indi nndu eeshi seu mmbo ainyalaa firumu.

Nka nsaari ni ureto lwa utore lwa mmi wakwe, Nka asutaa mmi wakwe mmbo avakkye itiinga mafueny akwe.

Kana karera wongo Nndumi Iruva akisuuye, Indi vandu vasaari ni ifura lwakwe.

Nndu nsaari mmbo arishaa uravi; indi shia ya varavi mmbo ivaretaa veni.

Dede mmbo ikaa llung'anu; Indi wongo llwa kirambo-da.