Versículos más leídos de la Biblia Éxodo 12

Compartir

‘Ã yoa tí ñamine jipihtiro Egipto yahpapʉre yʉhʉ wahaihtja. Yʉ ã wahacʉ, wajãihtja jipihtina egipto masa pohna, wahma masa bajua mʉhtainare. Wajãihca ti wahiquina ti pohna ti mʉhtaina cʉ̃hʉre. Ã yoacʉ, egipto masare, ‘Mari cohamana jipihtina wiho jiina jira tina. Yawe tinare yʉhdʉrʉca pahñohre’ ni, masichʉ yoaihtja. Yʉhʉ Yawe jija ã wahachʉ yoahtiro. ‘Ã yoa mʉ coyea israe masa sehe, wahiquina ti wajãina di mehne ti wʉhʉseri sãa sopacari dʉhtʉ caha macaa pjĩnipʉ wisõ, quihõ cũjaro. Wiho mejeta yʉhʉ ti pohna sehere ne cʉ̃irore wajãsi, yʉhʉ egipto masa pohnare yʉ wajãno wato. Ti wʉhʉse sãa sopacari dʉhtʉ caha macaa pjĩnine di mehne ti wisõa wʉhʉserire ñʉi, poto tinare wajã dʉha wahcãihtja.

‘Ã yoa tina sehe tinare yʉ wajã dʉhahti ñamine wacũjaro. ‘Yawe marine ahri dacho baroihta noaputiaro yoabasahre’ ni, wacũjaro tina tí dachore. Ã ni wacũa, cʉhmaripe tí dacho baroihta tina jipihtina cahmachu, bose nʉmʉ yoa mʉjajaro. Tuhsʉ, tinare ji turiainapʉ cʉ̃hʉ boro marieno cʉhmaripe bose nʉmʉ ti yoa mʉjahti dacho jijaro.” Ã ni, yʉhʉre israe masare yahubasaga —ni yahuha Yawe Moise cʉ̃hʉre.

à yoa mʉsa pohna sehe mʉsare: “¿Dohse jiro baro mari õ sehe ã yoa mʉjajari?” ti ni sinitu ñʉchʉ, mʉsa sehe tinare õ sehe ni yʉhtihtina jiyuhti: “Mari õ sehe bose nʉmʉ yoa, ahrina ovejaare wajã, pʉhõ chʉ mʉjana, Yawe mari ñʉchʉsʉma cjirire to yoarire wacũna, Yawere ã ño payo mʉjana nija. Panopʉre mari ñʉchʉsʉma cjiri Egipto yahpapʉ cahamaca jimarina cjiri yʉhdʉ witi wijaa tiri jire. Tí yahpapʉ ti yʉhdʉ witi wijaari ñamine Yawe sehe egipto masa pohnare wajãa tiri jire. à wajãno, mari ya curua macaina ya wʉhʉseri sehere poto yʉhdʉ wahcãa tiri jire. à yʉhdʉ wahcãno, mari coyea pohna sehere wiho wajã dʉha wahcãa tiri jire tiro” ni, yʉhtihtina jiyuhca mʉsa, mʉsa pohnare —ni, jipihtina bʉcʉna to doca macaina pʉhtoare yahu turiaha Moise. To ã ni yahu turiachʉ tʉhoa, tina sehe jipihtina na tuhcua caha sʉ, Yawere ño payoha.