Versículos más leídos de la Biblia Deuteronomio 6

Compartir

Amarás o Señor, o teu Deus, con todo o teu corazón, con todas as túas aspiracións e con toda a túa forza.

inculcarásllelos ós teus fillos e falarás deles estando na túa casa e indo polo teu camiño, estando deitado e estando de pé

Os preceptos estes, que eu che mando hoxe, estarán no teu corazón

Escoita, Israel: O Señor, o noso Deus, é Iavé, o único.

Ataralos á túa man coma sinal, e servirán de adorno entre os teus ollos

escribiralos nos marcos da túa casa e nas túas portas.

O Señor, o teu Deus, has de respectar, a El has de adorar; e has de facer o xuramento, invocando o seu nome.

Cando o Señor, o teu Deus, te faga entrar no país que xurara a teus pais Abraham, Isaac e Xacob, que cho daría a ti, con cidades grandes e fermosas que ti non construíches, con casas cheas de toda clase de riquezas que ti non acumulaches, con pozos escavados que ti non cavaches, con viñas e campos de oliveiras que ti non plantaches: cando ti comas e te fartes, ten moito coidado de non te esqueceres do Señor que te sacou do país de Exipto, da situación de escravitude.

Estes son os mandamentos, os preceptos e as ordes que o Señor, voso Deus, mandou ensinarvos, para que os puxésedes en práctica no país ao que ides pasar, para collelo en posesión; de xeito que respectes o Señor, o teu Deus, gardando todos os seus preceptos e os seus mandamentos que eu che ordenei, ti e o teu fillo e mais o teu neto, todos os días da túa vida, para que se alonguen os teus días.

Fai o que é correcto e honrado ós ollos do Señor. Así atoparás a felicidade e chegarás a coller posesión do bo país, que o Señor lles prometeu con xuramento ós teus pais

porque no medio de ti está un Deus celoso, o Señor, o teu Deus: non sexa que se desafogue contra ti a ira do Señor o teu Deus e te faga desaparecer de sobre a superficie da terra.

Non vos vaiades tras doutros deuses, deuses dos pobos que vos rodean

Non tentedes o Señor, voso Deus, tal como o tentastes no lugar de Tentación.