Versículos más leídos de la Biblia Rum 8

Saiki kita pada mangertèni, yèn Gusti Allah uga nyambutgawé ing samubarang kabèh, kanggo nekakké kabetyikan marang wong sing pada trésna marang Panjenengané, ya kuwi para sing dipanggil miturut karepé Gusti Allah.

Awit aku yakin, yèn pati utawa urip, para mulékat apa para pangwasa, sing saiki ana utawa sing bakal ana, apa sak kabèhé pangwasa ing nduwur utawa ing ngisor, utawa sakwijiné sing urip liyané, ora bakal bisa misahké kita sangka katrésnané Gusti Allah, ing njeruhné Kristus Yésus, Gusti kita.

Mengkono uga Roh ya ngréwangi kita ing sak njeruhné karingkihané kita; awit kita ora mangertèni kepriyé kuduné enggon kita ndedonga; nanging Roh déwé ngomongké panyuwun marang Gusti Allah, karo sambat sing ora bisa diutyapké.

Awit kuwi apa sing bakal kita omongaké kanggo kabèh mau? Yèn Gusti Allah ing pihak kita, sapa sing bakal nglawan kita?

Dadiné saiki wis ora ana paukuman menèh kanggo wong sing dadi siji karo Kristus Yésus.

Awit kepénginané daging kuwi pati, nanging kepénginané Roh kuwi urip lan katentreman.

Nanging kanggo kuwi mau kabèh, kita pada ngungkuli wong-wong sing menang, lantaran Panjenengané sing wis nrésnani kita.

Awit aku yakin, yèn kasangsaran ing jaman saiki kuwi ora bisa dipadakaké karo kamulyan sing bakal dikèkké marang kita.

Sapa sing bakal misahké kita sangka katrésnané Kristus? Apa penggawé ala, apa kasangsarané, apa dikuya-kuya, apa kaliren, apa wuda, apa bebaya, apa pedang?

Lan Gusti Allah sing nliti pikirané ati, weruh karepé Roh, ya kuwi yèn Panjenengané ndedonga kanggo para sutyi, tyotyok karo karepé Gusti Allah.

Sak kabèhé wong sing ketuntun karo Rohé Gusti Allah, kuwi pada dadi anaké Gusti Allah.

Awit wong sing urip miturut daging, kuwi pada mikirké perkara-perkara sing sangka daging; nanging wong sing uripé miturut marang Roh, kuwi pada mikirké perkara-perkara sing sangka Roh.

Panjenengané sing ora ngéman Putrané piyambak, nanging malah nganti masrahké Panjenengané kanggo kita kabèh, apa ya kelakon ora ngekèkké samubarang kabèh marang kita bareng karo Panjenengané?

Roh kuwi nyeksèni bebarengan karo roh kita, yèn kita kuwi para anaké Gusti Allah. Nanging yèn kita iki dadi anak, ya dadi juru waris, tegesé wong sing pada nduwèni hak nampani perjanjiané Gusti Allah, sing bakal ditampa bebarengan karo Kristus, ya kuwi yèn kita pada mèlu ngalami sangsara karo Panjenengané, supaya kita ya mèlu dimulyakaké bareng karo Panjenengané.

Awit kepénginan daging kuwi nyatru marang Gusti Allah, awit ora tyotyok marang angger-anggeré Gusti Allah, lan pantyèn ya ora bisa.

Awit karo banget kangené sak kabèhé sing urip enggoné pada ngentèn-entèni marang wantyi kedadiané para anaké Gusti Allah.

Awit kita pada mangertèni, yèn nganti sepréné sak kabèhé sing urip kuwi ya pada sambat lan ya pada ngrasakaké larané kaya wong sing arep nglairké.