Versículos más leídos de la Biblia Gyenesis 28

Compartir

Na, hwɛ, menye wo nam, na mobɔhwɛ wo do wɔ beebiara a ebɔkɔ, na medze wo maba asaase yi do bio; na minnkegya wo hɔ, ekodu dɛ mebɛma dza maka makyerɛ wo yi ayɛ hɔ.

Na, hwɛ, EWURADZE gyina n’etsifi, na ɔsee dɛ, Emi nye EWURADZE, w’egya Abraham ne Nyankopɔn, na Isaak ne Nyankopɔn: asaase a eda do no, medze mebɛma ɔwo, nye w’asefo.

Na Jakob fii ne nda mu nyanee, na ɔsee dɛ, Ampaara, EWURADZE wɔ ha; naaso nna minnyim.

Na Jakob bɔɔ anohoba see dɛ, Sɛ Nyankopɔn dzi m’ekyir, na ɔhwɛ mo do wɔ ɔkwan yi a murutu yi mu, na ɔma me edziban ma midzi, nye atar ma mehyɛ, ma meba m’egya fie bio wɔ asomdwee mu a, ɔno EWURADZE bɛyɛ me Nyankopɔn, na ɔbo yi a medze mayɛ idum esi hɔ yi, bɛyɛ Nyankopɔn ne fi: na dza ebɛma me nyinara mebɛma wo mu ebupɛn du du.

Na w’asefo bɛyɛ dɛ asaase do huntuma, na ebɛtserɛw akɔ anee, boka, nye kwaamu, nye pomu: na ɔwo nye w’asefo mu na wobehyira asaase do ebusua ebusua nyinara.

Na ɔfrɛɛ bea no ne dzin Bɛtɛl: na asɔpɔn no nkyɛ kurow no ne dzin dze Luz.