Versículos más leídos de la Biblia لُوقا 7

Compartir

ایس لئی مَیں تینُوں آکھنا آں اوہدے گُناہ جیہڑے بُہت نیں مُعاف ہوئے۔ کیوں جو ایس وَدّھ پیار کِیتا۔ پر جِہدے تھوڑے مُعاف ہوئے اوہ تھوڑا پیار کر دا اے۔ تے اوس زنانی نُوں آکھیا تیرے گُناہ مُعاف ہوئے۔

پر اوہنے زنانی نُوں آکھیا تیرے اِیمان تینُوں بچایا اے۔ سلامتی نال ٹُر جا۔

تے پِچّھے ولّ اوہدے پیراں کول کھلو کے روندی روندی اَتھرُواں نال اوہدے پَیر بِھیون لگّی۔ تے اپنے سِر دیاں والاں نال پُونجھ کے اوہدے پیراں نُوں بُہت چُمّیا تے عِطر مَلیا۔

ایس کر کے ای مَیں اپنے آپ نُوں ایس لائق نا جانیا۔ پئی تیرے کول آواں۔ نِرا آکھ ای دے تے میرا نوکر شفا پائے گا۔ کیوں جو مَیں وی کِسے دے اختیار وِچ آں تے سپاہی میرے آکھے وِچ نیں۔ جد مَیں ایس نُوں آکھنا آں پئی جا اوہ جاندا اے۔ تے کِسے ہور نُوں پئی آ اوہ آؤندا اے۔ تے اپنے نوکر نُوں پئی ایویں کر اوہ کر دا اے۔ یِسُوع نے ایہہ سُن کے اوہدے اُتّے تعجُّب کِیتا تے مُڑ کے بِھیڑ نُوں جیہڑی اوہدے مگر آؤندی سی۔ آکھیا مَیں تُہانوں آکھنا آں پئی اجیہا اِیمان مَیں اِسرائیل وِچ وی نئیں ویکھیا۔

اوہنے اوسے ویلے بتھیریاں نُوں روگاں تے بلاواں تے بُریاں رُوحاں توں شفا دیتی۔ تے بتھیریاں اَنھیاں نُوں سوجاکھِیاں کِیتا۔ تے اوس اوہناں نُوں جواب دِتّا۔ پئی جو کُجھ تُساں ویکھیا تے سُنیاں اے۔ جا کے یُوحنّا نُوں دسو پئی اَنھے ویکھ دے نیں۔ لنگے ٹُردے نیں۔ کوڑھے پاک صاف کِیتے جاندے نیں۔ تے بولے سُندے نیں۔ مُردے جوالے جاندے نیں۔ غرِیباں نُوں خُوشخبری سُنائی جاندی اے۔