Versículos más leídos de la Biblia LUKAHU 7

Compartir

Langatàka: na-bokulu mbuhangu-na tandana da njalana da madangu ba pa-jàmangu-haka! Na tau na pa-jàmangu hawutu, jia hi hawutu-ana na mbuhangu-na,” wàna. Hàla i Yehu hi napanii-nya na tau kawini, “Da njalamu pa-jàmangu-haka,” wànanya.

Tàka i Yehu hi napanii-nya na tau kawini, “Ruku pawaimu lai Nyungga, nyumu papamànangu-kauka. Laku mànjaku-wa!” wànanya.

Na-ndolaku la kajia-na i Yehu la lihi wihina dàngu hiina hi nabaha wànja wai matana da wihina i Yehu. Tunaka nu da wihina i Yehu hi na-langora wànja lunggina hàla hi na-puduku-ha, hi naburi-nja mina mbi kati.

Jiaya nuna-maka hi kiri nda toru mbeninggu pamai wikinggu patoma-kau. Jia ba tuna tungu bia paniimu na-màlaru-ma duku na atanggu. Nadu nyunggambu ba ku-patundungu-madui duku la mangia ditangga dàngu la wawanggu nyungga nimbunja da panjuri dama-patundu-nya na pareta-nggu. ‘Lua!’, jàka wànggunya na haàtu na panjuri, nàhu-manya; dàngu ‘mai!’ jàka wànggunya na haàtu, nàmu-manya. Tàka na atanggu ‘ràmaya yiana!’ jàka wànggunya, naràma-maya,” wàna. Na-hangàtaru i Yehu ba narongu-ya nuna. Nambaili hi napanii dànya na tau dangu na matundu-nya, “Mambana-duya na tau yiana. Jiapa la honga tau Ihirailu-mbu ndedi kuhunggu ma-bokulu pawai tungu nu!” wàna.

Nu jia pàkuyai duna i Yehu ba na-pamàlaru tau dangu, dàngu ba nawàngga-ha da wàndi akatu, màlai ba hau danguda da tau poki da mangita. Ka hema-nanjaka paraïna i Yehu, “Beliwa lai Yuhani kai pekanya jàka nggàraha da parongu-mi dàngu da pangita-mi: da tau poki daita-ka, da tau kaliparu dapangga-ka, da tau hidu manula pa-mayitangu dalànga-ka, da tau kawanga darongu-ka, da tau meti daluri belika, tàka na Lii Mànangu welingu lai Ala pa-bobaru-yaka la tau milaka.