Versículos más leídos de la Biblia BILANGAN 14

Compartir

Boso la'ban MANETUALAIN, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de MANETUALAIN nook ita. Da'di boso bii-mamata'u.”

‘Au, fo MANETUALAIN, ta haelai amanasa fa. Au atu'du Au susue-lalaing, ma Au lilinekang no ana sasi kao-kao. Au fe do'o do ampon neu hataholi masala-masingok-ka, ma manala'ban Au-a. Leomae leondiak boe, neukose Au balas ina-amak salan-na neu upu-anan-nala, losa bobongi ka telu ma ka haa.’

Metema MANETUALAIN sue ita soona, neukose no ita leo naa teu, fo Ana fe dae kamasu'ik ma maoe-maisik ndia leo ita mai.

Tehu ba'eneu Au atang Kaleb soona, ta leondiak fa. Ana lilineka nahele Au. Hu ndia de, neukose Au on leo nusak fo, ana masok hain ndia so. Besak ia, hataholi Amalek-kala, ma hataholi Kanaan-nala, leo lai masadokek ndia. Tehu, neukose, Au atang Kaleb tititi-nonosin-nala lanuu nusak ndia. Balahaa soona, emi muse lepos fali leo moo solokaek-ka, fo meu leo moo solokaek, fo manaleo Namo Akaba neu.”

Emi muse mataas mae lao ia: MANETUALAIN nafa'da nae, ‘Au soo unik Au fo maso'dak-ka na'den-na, ae neukose Au tao emi, sama leo hata fo, emi mafa'dan nai Au matang-nga. Au, fo MANETUALAIN nde manakokolak-ka.

MANETUALAIN nafa'da Musa nae, “Hataholi ia-la, la'ban Au losa faihi'da? Losa faihi'da seluk bai, fo hataholi ia-la ta nau lamahele Au fa, leomae Au tao basa manada'di beuk makadotok nanseli, nai sila matan so?

Ala bemumu loo Musa no Harun lae, “Malole lenak, ita mate nai Masir, do nai moo solokaek ia. Nemen-na fo, ata mate leona.

Yosua, fo Nun anan-na, ma Kaleb, fo Yefune anan-na, fo hataholi ka duak ia-la, lai manamakuk sila-la dalek boe, ala sisii-lulu'i bua papaken-nala, fo da'di neu ta'du-tana manasusak. Lafa'da basa laun sila-la lala'en-na lae, “Nusak fo ami meu maku besa-besa moon ndia, lolen-na seli.

Tehu Au aheluk inik Au aoinang-nga, ma nenik Au fo maso'dak, ma manakoasan-nai daebafak ia, ae neme hataholi ia-la mai, ta hapu maso'dak esa boen, soaneu ana masok leo nusak fo, Au helu basan neu sila bei-ba'i kain-nala so. Nana ala ta nau tunga Au, ma ala so'ba Au do'e-do'e. Te se'kona, lita basa Au mandela-masa'ang, ma Au tao manada'di beuk-kala leme Masir ma neme moo solokaek-ka so. Ta! Neukose ala ta masok nusak ndia fa. Neme sila fo, manala'ban Au-a, neukose ta hapu hataholi esa boen, fo ana hapu ta'bu ein-na neu nusak ndia.