Versículos más leídos de la Biblia Mitiro 1

Compartir

Kanilezi mu ta nyikiwa a ntamu, loku wu tile hehla ka nwina a Moya wa ku Basa; zonake mu ta maha vakustumunyu va mina laha Jerusalema, ni le Judia gontlhe, ni le Samaria, ku kala le magemeta-musi ya misava.

Yena aku ngalo kabye: A zi nyikwangi ka nwina ku tiva a zikhati ni tinguva, lezi Dadani a zi yimisileko hi ntamu wakwe.

Laha a nga wa tsombene navo, i lo va layisisa aku: Mu nga suki Jerusalema, kanilezi mu rinzela a xitsumbiso xa Dadani, lexi nzi mu byelileko ha xona; hakuva Johani, yena i lo bapatiza hi mati, kanilezi nwina mu ta bapatizwa hi Moya wa ku Basa anzhako ka masiku ma tsongwani.

I lo va kombisa hi wukustumunyu ginyingi, lezaku wa hanya anzhako ka kuxaniseka kakwe, na a woneka ka vona a xipimo xa 40 wa masiku, a wulawula hi za mufumo wa Nungungulu.

Ku te loku a wulawulile timhaka leti, i lo tlakuselwa tilweni na va kari va mu langutela; ni refu gi lo mu fihla kuwoneni kabye.

Laha va nga ha cuwukisisa tilweni kota lezi a nga kari a famba, a vavanuna vambiri va wa yimile navo, na va ambele a tinguwo to basa; vaku ngalo: Vavanuna va le Galilea, hi yini mu yimileko mu cuwuka tilweni ke? Jesu loyi a susilweko ka nwina aya tilweni, i ta wuya kota lezi mu mu wonileko na aya tilweni.