Versículos más leídos de la Biblia Genesi 32

Compartir

Khavbo avbo, a di mu embela, khuye: “Khu na ranwa gambe Jakobe; aholu u na ranwa gupwani khuwe Israyeli; kholu u dwanide ni Nungungulu ni vathu, u pade.”

Muthu wule a di embela Jakobe, khuye: “Nyi dige nyi hongole kholu wu ngu khuga Wuronga.” Jakobe a di mu hakha, khuye: “Gima kha nya na nga gu diga u hongola nyamba phela khu gu nyi kategisa.”

Avbo a nga tshalago enga basi, a di vboha muthu a ngata dwana ni Jakobe, va pilegisana wutshigu watshavbo kala gu khuga Wuronga.

Jakobe a di rana wulanga wule khuye Penuweli, kholu a di khuye: “Nyi wonide Nungungulu khovbe ni khovbe, aholu nyi ngu simama nyi vbanya.”

Khu gu wona gukhuye a ngu tandrega gu mu pala, muthu wule a di bayisa Jakobe vbanyongatunu; yi di khuyuga kharalo nyonga ya Jakobe na gu dwana naye.

Muthu wule a di wudzisa Jakobe, khuye: “Khuwe mani lina lago?” Uye a di mu hakha, khuye: “Kheni Jakobe.”

Jakobe a engedza, khuye: “Nyi ngu gu lomba u nyi embela lina lago.” Uye a di mu hakha, khuye: “Khu ginani u wudzisago lina langu?” Khavbo avbo, a di mu kategisa.

eni nyi mwalo fanelo nya wuhigo wago watshavbo ni gutumbega gwatshavbo u gu wonegisidego ga eni githumi gyago, kholu guta gwangu nyi tsemakanyide tsongo yoyu wa Joridhani na nyiri ni ndronga basi mandzani, olu nyi mune nya mitsawa mivili.

Khigyo gighelo gi girago gu sanana sa na Israyeli si si hodzi sivba wa vbanyongatunu kala na muhuno, kholu Jakobe bayisidwe vbasivbatunu nya nyonga.

Khavbo avbo, Jakobe a di ganela, khuye: “Oh, Nungungulu wa babe wangu Abrahama, Nungungulu wa babe wangu Isaki, Uwe PFHUMU Nungungulu u nyi embedego gukhuwe: Bwelela tigoni gwago nya mavelego, eni nyi na gu vhikela;”

Khu wuhindzi wago, nyi vbulugise mandzani ga ndriyangu Esawu, kholu nyi ngu thava gu dhumedwa khuye a nyi songa eni gumogo ni vanyamayi ni sanana.