Versículos más leídos de la Biblia Lista 20

Compartir

Okóm nudél Dwata Musis lewu le Aron, monen, “Lemwót bè yóm là hol ksalig ye do ne yóm là kehdilô ye du lem blóng yó kem tau Israél yóm klaen dù belenu, là kô galak ye kul ni kem tau ni etu bè yóm benwu fasadu kul.”

“Nwahem yóm tuged nô bè solu yóm Slungan Fasad ne gotu sentifun ye yóm kdéen tau lewu ye Aron. Bè yó bè solu le, tódói mudél ebè yóm botu nô bè yó ne angat wen él tódô semfut gu lemen. Bè nim nmoem ni, wen tey él gu lem yóm botu mò ninum yó kem tau ne yó kem ógóf le.”

Omin Musis kmayang du eta yóm tuged hwa Dwata du yó koni ne lewu duléken mfes du bè yóm botu ne tódô sen-gengen se semfut gu lemen yóm tey él bong ne gotu le minum yó kem tau dalang se yó kem ógóf le.

Yó nmò le lewu le Aron, gotu sentifun le yóm kdéen tau bè solu yóm botu mon Dwata. Ne yó udél Musis ebélê le, “Yu kem tau gel smonol ke Dwata, hol hnungol ye. Yó hol kóyô ye kô ke wen él hesfut me gu lem nim botu ni mò ninum ye?”