Versículos más leídos de la Biblia YESAYA 45

Compartir

Dá iko in ogoian-Ku kapunyaan kaoyúonan inta noibuni, sinbá kotaauanmu kon Akuoibí naa in ki TUHAN, Allah in Israel, inta ain nogoiní kon inimu podudui in tangoimu.

“Akuoi in moposadiabí in daḷan bayáanmu; buḷud bo tombuḷudnea in tondodaion-Kubí, ḷoḻingkop mita tambaga in tokobotakon-Kubí, bonoboi mita uatoi putoḷon-Ku.

Akuoibí naa in TUHAN, diábí in ibanea mako, Akuoi in Allah inta diá in toḻinduanea. Iko in ain sinon pakakatan-Ku, umpakabí diá kinotaauanmu in Akuoi. Tua komintan in inaidan-Ku sinbá nongkon dotá pomukaan modapot kon dotá in toyopan bayongan in intau monotaau kon Akuoibí in TUHAN, diábí in ilah koḻikudbí in Akuoi.

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki TUHAN inta nogaid kon tua mita.

Ei, bayongan intau kon dunia, angoidon kon i-Nakó sinbá moiko in posaḷamaton, sin tongábí Akuoi in Allah, diábí in ibanea!

Ki TUHAN in nomiḻídon kon i Kores nobaḻí datu; sia in sinundú sin monaḷow kon bangusa mita bo momutoḷ kon kawasa in datu mita. Ki TUHAN in momukatbí kon bonawang mita in kotá tuotannea, diábí tobatúmai in pomayá mako moiḻingkop. Ki TUHAN in moguman kon inia

Akuoi in ain nodandi, bo dandi-Ku in diábí motaau inggamáan; podoyon kon i-Nakó tontaní Akuoi in mongibot: Pomuḷoi in intau in tumungkudbí kon tayowon-Ku, bo kon bonu in tosingogonnea tontaní modandi kon mosatia kon i-Nakó.

Iko in inoiní-Ku bo inogoian-Ku in donoi, umpakabí diá kinotaauanmu in Akuoi. Potabá-Ku in iko motuḷung kon Israel mogogundoi-Ku, sin mosia in bangusa inta piniḻí-Ku.