Versículos más leídos de la Biblia BANGSALAN 11

Compartir

Oreng se bannya' ari'-berri' bakal narema'a sabannya'na, oreng se lebur atatolong tanto etolong oreng keya.

Badha oreng se dujan ari'-berri', tape atamba sogi, badha se dujan ra'-nyerra' tape atamba ta' andhi'.

Oreng se sombong bakal eya'-seya'a; oreng se andhap asor reya bicaksana.

Bangsa bakal ancora mon tadha' pamimpinna; sajan bannya' panasehat sajan aman kasalameddanna.

Oreng se alem bakal salamedda odhi'na; oreng se bicaksana sajan bannya' etoro' oreng.

Oreng se dujan arasanan ta' bisa neggu' roseya, tape oreng se ekenneng parcaja bisa neggu' roseya.

Oreng se bagus atena maontong aba'na dibi'; oreng se kejjem marogi aba'na.

Sapa se ngandellagi arta bakal ngalotora akantha dhaun se towa, oreng se alem bakal tombuwa akantha selbi' se ngodha.

Mon ngadhebbi maot arta tadha' artena; odhi'na ba'na tanto salamet mon ba'na berse atena.

Oreng becce' etonton bi' kajujuran; oreng se lecegan epaancor bi' kaleceganna.

Karaddinanna oreng babine' se juba' tengkana akantha sello' emmas e elongnga babi.

PANGERAN baji' ka oreng se ngangguy tembangan se ta' cocok, tape lebur ka oreng se ngangguy tembangan se teppa'.