Versículos más leídos de la Biblia WUNGGULI LOMONGO RASULU 1

Compartir

Bo timongoli mamoo̒tapu kawasa, wonu Rohullah malei dungga mai ode limongoli. Wau timongoli mamowali sakusi ola-U̒ to Yerusalemu, to ngoilanggubu Yudea, to Samaria, wau tunggula ode huudio lodunia.”

Ti Isa lolametao̒, “Ti Paapa-U̒ lohihilao tamolantu mai dulahu wau wakutuulio. Uito diila palalu otaawa limongoli sababu uito haku li Paapa-U̒.

Wau tou̒ Tio lotia̒mbu woli mongolio, Tio longohi mao̒ palenta botie olimongolio, “Diila mao̒ tolai Yerusalemu. Pohimaapo teto tunggula ti Paapa-U̒ mongohi mai wolo umapilo dantia-Lio, deu̒ito-yito umapilo otaa-U̒ olimongoli tou̒ muloololio mai. Sababu tei Yahya helo polihu lotaluhu, bo donggo ngoolo huipo mola timongoli malihualo wolo Rohullah.”

Lapatao̒ Tio yilate mao̒ ngotilonggadu wopato pulu hui mola laito Tio hemo pobilohe wolo dudelo u moi̒laalo daa̒ tomongo rasulu boito deu̒ Tio tutuulio tutu tumutumulo. Timongolio loo̒onto o-Lio, wau Tio helo bisala woli mongolio tomimbihu woloolo mola Allahu Taa̒ala momalenta odelo Olongia.

Lapatao̒ ti Isa lotahuda mao̒ odito Tio bilinta-I̒o mola ode sologa iloontonga limongolio, wau heengo lohenggubei o-Lio to pomilohi mongolio.

Tou̒ timongolio donggo hilanggela mola ode hulungo, towakutu ti Isa leibintaa̒a mola, debolo duulota tahipakea lou̒ moputio̒ hitihula totili limongolio. “Wuu, tau-tauwalo Galilea,” loi̒ya mao̒ lo taduulota boito, “yilongola timongoli bo wambao̒ hitihula teto hilanggela mola ode hulungo? Ti Isa, taa iloontonga limongoli lobintaa̒a mola ode sologa boito totalu limongoli, mamuli mohualingai poli wolo dudelo uito olo debo odelo u iloontonga limongoli engontie.”