Versículos más leídos de la Biblia Eksodha 15

Compartir

Se a txi khene: “Ngako u txi engisisa kha kwati dipswi da MKOMA, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani MKOMA, ni ku kalamukisako.”

MKOMA mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

Awe MKOMA, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Ngu wunene wako, u hulukisile ni kutsimbitisa ngamu yako ngu mtamo wako, u va tsimbitisile va txi ya ditikoni kwako ko sawuleka.

Sekoko va to ya hoka ka wukhalo wu wu dhanwako ku i Mara, kha va sikota kusela mati ale ma nga ti ti ho konaho, nguko ma txi bava. Ngu mhaka ya toneto wukhalo wonewo wu ti dhanwa ku i Mara. Se vathu va to ngungurukela ve wukela Mosi, va txi kha vona: “Se hi na sela txani kuwa kani?” Se Mosi a to dila ka MKOMA, se MKOMA a to mkomba txipulangwana, Mosi a to txi rola e txi txi vinza matini, se mati ma to maha o lombela; konaho MKOMA a to va ninga sileleto ni sirumo, ngu kona hale a nga va xola kona.