Versículos más leídos de la Biblia KAJAJIYANG 15

Compartir

Mateppe'ni Abram ri PUWANGNGE, narimakkuwannanaro ritarimani ri PUWANGNGE selaku tau iya pésennangiyéngngi atin-Na.

Purairo, tarimani Abram pappaita sibawa méngkalingai PUWANGNGE makkeda lao ri aléna, “Aja' mumétau, Abram, maélo-Ka linrungiko polé ri abalaé, sibawa mpérékko saro iya battowaé.”

Natiwini PUWANGNGE massu Abram nainappa makkeda ri aléna, “Itai langié, sibawa cobani bilangngi sining wéttowingngé; mappunnaiko matu wija-wija singngéga sining wéttowingngéro.”

Nainappa naéngkalingani Abram PUWANGNGE makkedasi lao ri aléna, “Tenniya atammu iya mancajiyé matu ahli warisi'mu, sangadinna ana' worowanému muto.”

Nakkedana PUWANGNGE lao ri Abram, “Engngeranni, wija-wijammu mancajiwi matu tau laing ri wanuwa laingngé; mancaji atai matu mennang kuwaro sibawa ritenre'i matu eppa datu taung ittana.

Iyakiya makkedai Abram, “PUWANG Iya Pommatanré, dé' tawérékka ana' PUWANG. Tau iya manaéngngi matu waramparakku banna Eliézer, atakku polé ri Damsyik. Jaji aga akkégunana tawérékka PUWANG saro iya maégaé?”

Iyatonaro wettué napakangka PUWANGNGE assijancing sibawa Abram. Adanna PUWANGNGE, “Majjanci-Ka maélo mpéréngngi wija-wijammu sininna tanaéwé, mappammulai polé ri pakkasésénna wanuwa Maséré lettu ri Salo Efrat

Labe'nana eppa assossoreng, lisuni matu ana' eppomu kuwaé, nasaba dé' Urukkai matu tau Amorié ri wettu dé'napa mennang namaja senna angkanna parellui rihukkung.”