Versículos más leídos de la Biblia ASSURENG 9

Compartir

Iyakiya Uleppessakko tuwo kuwammengngi weddik-Ka mappaitangngi akuwasak-Ku lao ri iko, angkanna tarompo asek-Ku ri sininna linoé.

Makkedai PUWANGNGE lao ri Musa, “Laono mangolo ri arungngé, namupowadangngi makkedaé PUWANG, Allataalana tau Ibranié, makkeda: ‘Leppessanni umma'-Ku lao kuwammengngi weddingngi mennang massompa lao ri Iyya.

Akkalarapanna maélo-Ka hukkukko silaong ra'ya'mu sibawa lasa, mattentuni cappu manenno.

maélo-Ka papolé sai iya maseroé lao ri sininna olokolo'mu, anyarang, kaleddé, unta, saping, bimbala sibawa bémbé'mu. Upasilaingengngi matu olokolo'na tau Israélié sibawa olokolo'na tau Maséré'é. Polé ri olokolo'na tau Israélié dé' muwi séddi iya maté.

Baja éléé, ri wettu iya padaé, maélo-Ka papolé bosi ése iya maseroé, iya dé'éppa naengka nakajajiyang ri Maséré riyolo lettu makkekkuwangngé. Apparéntanni kuwammengngi nasininna olokolo'é sibawa sininna appunnangemmu iya engkaé ri saliweng naritiwi ri onrong iya amangngé. Sininna tauwé sibawa olokolo iya engkaé ri saliweng sibawa dé' nallinrung matéi matu nakenna bosi ése.’ ”

Natassiyana matu iyaro awué ri sininna tana Maséré. Napaompona matu iyaro awué sining lettang iya mabbettué mancaji lo mannana ri tauwé sibawa olokolo'é.” Nanalana awu Musa sibawa Harun, namangolo ri arungngé. Nassiyamporenni Musa iyaro awué ri yelle'é. Naompona sining lettang iya mabbettué mancaji lo mannana ri tauwé sibawa olokolo'é.