Versículos más leídos de la Biblia ASSURENG 32

Compartir

Wettunna naita bangsa Israélié makkedaé maitta senna'ni Musa dé'pa nanonno polé ri bulué, iyakiya monro mupi kuwaro, nakatulunni mennang Harun sibawa makkeda lao ri aléna, “Dé'na nirisseng aga iya kajajiyangngé sibawa Musa, tau iya puraé tiwiki massu polé ri Maséré; jaji ébburenni déwata iya pimpingngékki matu.”

Namakkeda PUWANGNGE lao ri Musa, “Nonnona masitta, nasaba bangsamu iya mupimpingngé massu polé ri Maséré napogau'ni majaé. Lésséni mennang polé ri parénta-parénta-Ku. Mébbui mennang dato'-dato' saping polé ri ulaweng ricuwangngé, nainappa sompai sibawa makkasuwiyangeng akkarobangeng lao ri aléna. Adanna mennang, iyanaro déwatana iya tiwiéngngi massu polé ri Maséré.

Nanapatettonna Harun séddi mézba ri yolona saping ulawengngéro sibawa mappallebbangengngi, “Baja engka pésta untu' pakalebbii PUWANGNGE.” Bajanana maélé senna'ni, sining tau Israélié tiwii siyagangngaré kajunna olokolo untu' akkarobangeng ritunu, sibawa siyagangngaré kajunnasi untu' akkarobangeng pappasidamé. Tudanni mennang manré sibawa ménung, nainappa tokkong untu' massennas-sennang.

Pappa bajana makkedani Musa lao ri bangsaéro, “Purano pogau' dosa loppo. Iyakiya makkekkuwangngé maélosika tuppuiwi iyaro bulué untu' mangolo ri PUWANGNGE; memmuwaré lolongekka paddampeng untu' dosamu.”