Versículos más leídos de la Biblia ASSURENG 15

Compartir

Adanna PUWANGNGE, “Turusi-Ka mattonget-tongeng, sibawa pogau'i aga iya Muwitaé makessing; accowérini sininna parénta-Ku. Rékko mupogau'i makkuwaéro, dé' Uhukkukko matu sibawa lasa iya Upakennaiyéngngi tau Maséré'é. Iyya'na ritu PUWANG iya pajjappaékko.”

PUWANGNGE pangéwaingekku iya mawatangngé; Aléna ritu passalama'ka. Aléna Allataalaku, Allataala nasompaé néné-nénéku, upakarajai Aléna.

Allataala nigana mulléi tandingiko, oh PUWANG Iya Pommalebbié sibawa mapaccingngé? Nigana mulléi mébbu anu makalallaing sibawa pangkaukeng battowaé pada-pada PUWANGNGE?

Mupimpingngi bangsa iya puraé Mupassalama'é, nasaba matinuluko ri jancim-Mu. Nasibawang awatangeng battowa Mulinrungiwi mennang, sibawa Mupimpingngi lao ri tana-Mu iya mapaccingngé.

Nainappa lettu mennang ri onrong iya riyasengngé Mara, iyakiya uwai kuwaro mapai senna, angkanna dé' nawedding riyénung. Iyanaro saba'na nariyaseng iyaro onrongngé Mara, bettuwanna mapai. Namannoko-noko'na iyaro tauwé lao ri Musa sibawa makkutana, “Agana maélo riyénung?” Massempajanni Musa sibawa mattonget-tongeng lao ri PUWANGNGE, nainappa najjellokeng PUWANGNGE sipolo aju. Iyaro ajué naggenrungenni Musa ri laleng uwai, namancaji makawana iyaro uwai, angkanna wedding riyénung. Ri onrongngéro mabbéréni PUWANGNGE peraturang-peraturang lao ri mennang, sibawa kuwatoniro Nacobai mennang.