Versículos más leídos de la Biblia GALATIA 3

Compartir

Allah, Musa Basakamtam Atakam Buku atakam ji baekorom apok owe ajurusumtem. Kristus ere, jow auuemero. Allah dara bajurusum-ombar. Allahrawa, Armat Ipit ajurusume. Erarawa Kristus, Allah ajurusumtaro pak, asurumtamero. Ere Alkitab atakam jipu: “Allah, era wus oup ataetopomtas owe, ajurusumapomtem.” Ere Alkitab emes atakam aeapoma.

Tare Kristus ajamkaimakam owe takes, ere awar. Yahudi oweam, Yunani oweam, ere awar. Bambi karai baetam oweam, apa karai aemas oweam, ere awar. Oorey oweam, tapesam, ere awar.

Tare Kristus aowe. Erarawa tanom Abraham arurupis. Allahrawa, era ataaji aee atakam tara atetamteman.

Bonak ere, Allah, Abraham asan akot aemen. Kristus, era Yahudi apok oweam, emes asan akot boem, akot ajie. Erarawa Are salib wus oup ajiriseme. Me Armat Ipit eemnak bamesemkorom owe, era asan akot aemomemtemas. Allaham aJip era owe batetam ataaji aee. Era oweam Allah Jip ataettemas. Emesare, Kristus emes pak baemtam akot ajie. Erarawa Are Allah ajurusumtaro pak asurumtamero.

Alkitabam, “Allah, eemnak Ara ambesemkorommas owe, turunak owe, emes atakam asakamtiim. Erarawa era owe jiine aememaartemas.” Emes atakam aeapoma. Dararawa, Allah, era Musa Basakamtam Atakam Buku atakam ji bae owe, turunak owe, emes atakam basakamtii apok, ere atakam basonak apormarom.