Versículos más leídos de la Biblia YAKOBUS 3

Compartir

Teuma ureuëng nyang na keubijaksanaan nyang asai jih di ateueh, jihnyan kheueh nyang phon-phon that gleh, óh lheueh nyan jitem meudamé, ramah dan patuh. Nibak jihnyan peunoh gaséh sayang dan jipeuhase buet-buet nyang gét. Jihnyan hana meupihak dan hana meupura-pura.

Meunyoe lamkawan gata na nyang bijaksana atawa meubudoe basa, bah kheueh jihnyan jitunyok lam udeb jih nyang jroh dan ngon jipeubuet hai-hai nyang jroh teuma, nyang meusajan ngon até nyang miyueb dan keubijaksanaan.

Keubiet buet nyang jroh na kheueh hase nibak bijéh damé nyang jitabu lé ureuëng-ureuëng nyang cinta damé.

Dipat na sifeuet ceumuru dan jipeupeunteng droe jih keudroe, nibak teumpat nyan teuma na karu ka-ak ka ok dan meubagoe rupa buet nyang jeuhet.

Tanyoe tapeuguna keu tapeugah teurimong gaséh ubak Tuhan Bapak tanyoe, teuma lidah nyan cit nyang seurapa sabe geutanyoe manusia, nyang ka geucebta meunurot ruman Allah. Nibak babah nyang saban jiteubiet tutoe haba teurimong gaséh dan meunan cit tutoe haba teukutok. Nyang sibeuna jih kon lagée nyan!

Lidah saban lagée apui. Lam tuboh tanyoe, lidah nyan pangkai nyang jeuhet nyang jimeu-éue bansaboh tuboh tanyoe. Ngon apui nyang asai lam nuraka, jihnyan hase jipeuhangoh bansaboh tuboh tanyoe.

Teuma lidah manusia hana hase jipeuseu iet lé soe mantong. Lidah nyan jeuhet dan hana hase takuasa; peunoh ngon racon nyang jiba maté.

Syedara-syedara! Bék kheueh meuron-ron lamkawan gata keuneuk jeuet keu gurée. Gata tateupeue bahwa geutanyoe nyang jeuet keu gurée teuma geupeu sidang nyang leubeh brat nibak ureuëng laén.